hai aafat-e-jaan husn ki shoKHi bhi ada bhi

Mahesh Chandra Naqsh

hai aafat-e-jaan husn ki shoKHi bhi ada bhi

Mahesh Chandra Naqsh

MORE BY Mahesh Chandra Naqsh

    hai āfat-e-jāñ husn shoḳhī bhī adā bhī

    hoñToñ pe tabassum bhī hai nazroñ meñ hayā bhī

    shāmil tirī āvāz meñ tāroñ navā bhī

    sharminda tire nuur se kirnoñ ziyā bhī

    mahfil hai ki mutrib ke ishāroñ pe miTī hai

    suntā hai koī sāz-e-shikasta sadā bhī

    rakhtā hai baġhāvat ke sharāre bhī nazar meñ

    ye ishq jo hai paikar-e-taslīm-o-razā bhī

    ruḳh pher diyā tund havāoñ kisī ne

    hālāt se apne koī majbūr rahā bhī

    bach kar chale ham to zamāne ravish se

    āzād-ravī hameñ ehsās huā bhī

    akasr lab-e-la.alīñ ke tabassum kiran ne

    ummīd ke ḳhākoñ meñ nayā rañg bharā bhī

    ai 'naqsh' kareñ soz-e-tamannā bayāñ kyā

    sau baar diyā dil jalā bhī hai bujhā bhī

    hai aafat-e-jaan husn ki shoKHi bhi ada bhi

    honTon pe tabassum bhi hai nazron mein haya bhi

    shamil teri aawaz mein taron ki nawa bhi

    sharminda tere nur se kirnon ki ziya bhi

    mahfil hai ki mutrib ke ishaaron pe miTi hai

    sunta hai koi saz-e-shikasta ki sada bhi

    rakhta hai baghawat ke sharare bhi nazar mein

    ye ishq jo hai paikar-e-taslim-o-raza bhi

    ruKH pher diya tund hawaon ka kisi ne

    haalat se apne koi majbur raha bhi

    bach kar hi chale hum to zamane ki rawish se

    aazad-rawi ka hamein ehsas hua bhi

    akasr lab-e-lalin ke tabassum ki kiran ne

    ummid ke KHakon mein naya rang bhara bhi

    ai 'naqsh' karen soz-e-tamanna ka bayan kya

    sau bar diya dil ka jala bhi hai bujha bhi

    Source:

    • Book: Andaaz (Pg. 148)
    • Author: Mahesh Chandr Naqsh
    • Publication: Sangam Kitab Ghar,  Delhi (1962)
    • Edition: 1962
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites