hai aaina-KHane mein tera zauq-faza raqs

Syed Yusuf Ali Khan Nazim

hai aaina-KHane mein tera zauq-faza raqs

Syed Yusuf Ali Khan Nazim

MORE BYSyed Yusuf Ali Khan Nazim

    hai ā.īna-ḳhāne meñ tirā zauq-fazā raqs

    karte haiñ bahut se tire ham-shakl judā raqs

    be-zaḳhm sadā dene lage saaz ajab kyā

    gar karne lageñ ḳhud-baḳhud ālāt-e-ġhina raqs

    ho gar na tirī baaġh meñ aane tavaqqo

    kyuuñ sarv ko ta.alīm kare bād-e-sabā raqs

    vaañ qāfila manzil pe bhī pahuñchā magar ab tak

    ham karte haiñ sahrā meñ bā-āvāz-e-darā raqs

    hai vādi-e-ġham vo ki gar aa jaa.eñ idhar ḳhizr

    rāshe se kare haath meñ hazrat ke asā raqs

    ma.aqūl sahī vajd hiila magar ai shaiḳh

    achchhā nahīñ bā-īñ-hama-tamkīn-o-hayā raqs

    yuuñ to ḳharābāt meñ aao ki sarāsar

    baada hai bañg hai naġhma hai raqs

    yaañ tum ko ye āvāz-e-daf-o-chañg mubārak

    be-kashmakash-e-ḳhirqa-o-tasbīh-o-ridā raqs

    'nāzim' tire ash.ār meñ haiñ ma.anī-e-tauhīd

    is zamzame par karte haiñ mardān-e-ḳhudā raqs

    hai aaina-KHane mein tera zauq-faza raqs

    karte hain bahut se tere ham-shakl juda raqs

    be-zaKHm sada dene lage saz ajab kya

    gar karne lagen KHud-baKHud aalat-e-ghina raqs

    ho gar na teri bagh mein aane ki tawaqqo

    kyun sarw ko talim kare baad-e-saba raqs

    wan qafila manzil pe bhi pahuncha magar ab tak

    hum karte hain sahra mein ba-awaz-e-dara raqs

    hai wadi-e-gham wo ki gar aa jaen idhar KHizr

    rashe se kare hath mein hazrat ke asa raqs

    maqul sahi wajd ka hila magar ai shaiKH

    achchha nahin ba-in-hama-tamkin-o-haya raqs

    yun hi to KHarabaat mein aao ki sarasar

    ya baada hai ya bang hai ya naghma hai ya raqs

    yan tum ko ye aawaz-e-daf-o-chang mubarak

    be-kashmakash-e-KHirqa-o-tasbih-o-rida raqs

    'nazim' tere ashaar mein hain mani-e-tauhid

    is zamzame par karte hain mardan-e-KHuda raqs

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY