hai aaTh pahar tu jalwa-numa timsal-e-nazar hai partaw-e-ruKH

hai aaTh pahar tū jalva-numā timsāl-e-nazar hai partav-e-ruḳh

aariz hai qamar ḳhurshīd jabīñ shab-e-zulf-e-sahar hai partav-e-ruḳh

ā.ankhoñ meñ huā hai ghar terā dil kahtā hai rakh har dam parda

ho chashm-e-tamannā kyuuñ kar vā āshiq kī nazar hai partav-e-ruḳh

jab madd-e-nazar aġhyār the vaañ tārīk thā yaañ ā.ankhoñ meñ jahāñ

raushan hai charāġh-e-rūh-e-ravāñ kyā aaj idhar hai partav-e-ruḳh

kī fikr magar baa.is na khulā ai lāla-ruḳh-e-be-mehr-o-vafā

batlā to ye dil kā dard hai kyā gar dāġh-e-jigar hai partav-e-ruḳh

ġhash koī kisī ko hai saktā hai nūr-e-ḳhudā terā jalva

ho daḳhl tire ghar meñ kis kā yaañ hājib-e-dar hai partav-e-ruḳh

uTh āshiq-e-muztar sajde kar aa.ī hai shab-e-maqsad kī sahar

vo dekhte haiñ ġhurfe se idhar ai ḳhāk-basar hai partav-e-ruḳh

shohra hai bahār-e-āriz kā bulbul kī tarah āshiq haiñ fidā

hai bāġh-e-javānī rūh-afzā barg-e-gul-e-tar hai partav-e-ruḳh

jis se ho aañsū ḳhūn-e-jigar ban jaa.e aqīq-o-la.al-o-guhar

ḳhurshīd-o-qamar aur sīm-o-zar ai jaan magar hai partav-e-ruḳh

betāb 'habīb'-e-muztar hai hairān kabhī gah shashdar hai

phirtā hai gul-e-ḳhurshīd-sifat muñh us kā jidhar hai partav-e-ruḳh

hai aaTh pahar tu jalwa-numa timsal-e-nazar hai partaw-e-ruKH

aariz hai qamar KHurshid jabin shab-e-zulf-e-sahar hai partaw-e-ruKH

aaankhon mein hua hai ghar tera dil kahta hai rakh har dam parda

ho chashm-e-tamanna kyun kar wa aashiq ki nazar hai partaw-e-ruKH

jab madd-e-nazar aghyar the wan tarik tha yan aaankhon mein jahan

raushan hai charagh-e-ruh-e-rawan kya aaj idhar hai partaw-e-ruKH

ki fikr magar bais na khula ai lala-ruKH-e-be-mehr-o-wafa

batla to ye dil ka dard hai kya gar dagh-e-jigar hai partaw-e-ruKH

ghash koi kisi ko hai sakta hai nur-e-KHuda tera jalwa

ho daKHl tere ghar mein kis ka yan hajib-e-dar hai partaw-e-ruKH

uTh aashiq-e-muztar sajde kar aai hai shab-e-maqsad ki sahar

wo dekhte hain ghurfe se idhar ai KHak-basar hai partaw-e-ruKH

shohra hai bahaar-e-ariz ka bulbul ki tarah aashiq hain fida

hai bagh-e-jawani ruh-afza barg-e-gul-e-tar hai partaw-e-ruKH

jis se ho aansu KHun-e-jigar ban jae aqiq-o-lal-o-guhar

KHurshid-o-qamar aur sim-o-zar ai jaan magar hai partaw-e-ruKH

betab 'habib'-e-muztar hai hairan kabhi gah shashdar hai

phirta hai gul-e-KHurshid-sifat munh us ka jidhar hai partaw-e-ruKH