hai ankhDiyon mein nind to ek kaam kijiye

hai añkhḌiyoñ meñ niiñd to ik kaam kījiye

ye bhī to ghar hai aap kā ārām kījiye

ye zo.af hai ki pahuñche hai tā-sub.h ruḳh talak

gar zulf par nigāh sar-e-shām kījiye

kal maiñ jo ye kahā ki kisī ke alam se aah

mar jā.iye bas aur na kuchh kaam kījiye

to vo sunā ke mujh ko ye kahtā hai ek se

kyā lutf hai kisī ko jo badnām kījiye

is zindagī se khīñchiye 'mehnat' gar apnā haath

phailā ke paañv zauq se ārām kījiye

hai ankhDiyon mein nind to ek kaam kijiye

ye bhi to ghar hai aap ka aaram kijiye

ye zoaf hai ki pahunche hai ta-subh ruKH talak

gar zulf par nigah sar-e-sham kijiye

kal main jo ye kaha ki kisi ke alam se aah

mar jaiye bas aur na kuchh kaam kijiye

to wo suna ke mujh ko ye kahta hai ek se

kya lutf hai kisi ko jo badnam kijiye

is zindagi se khinchiye 'mehnat' gar apna hath

phaila ke panw zauq se aaram kijiye