hai aur nahīñ kā ā.īna mujh ko thamā diyā gayā
ya.anī mire vajūd ko khel banā diyā gayā
merā savāl thā ki maiñ kaun huuñ aur javāb meñ
mujh ko hañsā diyā gayā mujh ko rulā diyā gayā
mere junūñ ko thī bahut ḳhvāhish-e-sair-o-justujū
mujh ko mujhī se bāñdh kar mujh meñ biThā diyā gayā
maiñ ne kahā ki zindagī dard diyā gayā mujhe
maiñ ne kahā ki āgahī zahr pilā diyā gayā
ḳhvāb thā merā ishq bhī ḳhvāb thā terā husn bhī
ḳhvāb meñ ya.anī ek aur ḳhvāb dikhā diyā gayā
hai aur nahin ka aaina mujh ko thama diya gaya
yani mere wajud ko khel bana diya gaya
mera sawal tha ki main kaun hun aur jawab mein
mujh ko hansa diya gaya mujh ko rula diya gaya
mere junun ko thi bahut KHwahish-e-sair-o-justuju
mujh ko mujhi se bandh kar mujh mein biTha diya gaya
main ne kaha ki zindagi dard diya gaya mujhe
main ne kaha ki aagahi zahr pila diya gaya
KHwab tha mera ishq bhi KHwab tha tera husn bhi
KHwab mein yani ek aur KHwab dikha diya gaya
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.