hai fana bismillah-e-diwan-e-ishq

hai fanā bismillāh-e-dīvān-e-ishq

āfrīnhā bar-sabaq ḳhvānān-e-ishq

zohra-e-dozaḳh hai aage us ke aab

al-amān az ātish-e-sozān-e-ishq

hai rihā qaid-e-ġham-e-kaunain se

pā-e-tā-sar qaidī-e-zindān-e-ishq

tañg rakhtā hai davā ke naam se

mubtalā-e-dard be-darmān-e-ishq

ḳhūn-e-dil piitā hai aur hai jāntā

nemat-e-uzmā use mehmān-e-ishq

ġhaur kar dekhā to haft aqlīm meñ

hukmarāñ hai be-gumāñ sultān-e-ishq

kashtī-e-gardūñ sarāpā Duub jaa.e

josh meñ aave agar tūfān-e-ishq

bande ko maulā banātā hai mudām

kis qadar hai ye ayaañ ehsān-e-ishq

bhuul jaave zohd-o-taqvā zāhidā

gar kare tū sair-e-kufristān-e-ishq

faiz se 'āsim' shah-e-ḳhādim ke hai

sair meñ apnī bahāristān-e-ishq

hai fana bismillah-e-diwan-e-ishq

aafrinha bar-sabaq KHwanan-e-ishq

zohra-e-dozaKH hai aage us ke aab

al-aman az aatish-e-sozan-e-ishq

hai riha qaid-e-gham-e-kaunain se

pa-e-ta-sar qaidi-e-zindan-e-ishq

tang rakhta hai dawa ke nam se

mubtala-e-dard be-darman-e-ishq

KHun-e-dil pita hai aur hai jaanta

nemat-e-uzma use mehman-e-ishq

ghaur kar dekha to haft aqlim mein

hukmaran hai be-guman sultan-e-ishq

kashti-e-gardun sarapa Dub jae

josh mein aawe agar tufan-e-ishq

bande ko maula banata hai mudam

kis qadar hai ye ayan ehsan-e-ishq

bhul jawe zohd-o-taqwa zahida

gar kare tu sair-e-kufristan-e-ishq

faiz se 'asim' shah-e-KHadim ke hai

sair mein apni bahaaristan-e-ishq