hai husn sau hijab-e-farozan liye hue

hai husn sau hijāb-e-farozāñ liye hue

kyā dekhe koī dīda-e-hairāñ liye hue

lutf-e-qubūl-e-husn kā armāñ liye hue

hāzir haiñ ham matā-e-dil-o-jāñ liye hue

dām-e-qafas kā dosh pe sāmāñ liye hue

sayyād uThe naved-e-bahārāñ liye hue

kyā kahiye bahr-e-shauq kī hangāma-ḳheziyāñ

hai mauj-mauj shorish-e-tūfāñ liye hue

uljhā huā hai zulf-e-tasavvur kā baal baal

har ḳhvāb hai ḳhayāl-e-pareshāñ liye hue

aalam tamām zulmat-e-nau se hai tīra-jāñ

baiThe ho sham.a tum tah-e-dāmāñ liye hue

vo sūrmā kareñge koī ma.arka bhī sar

aa.e jo ran meñ qalb-e-harāsāñ liye hue

'ārif' payām-e-ām-e-mohabbat tirā payām

insāñ ke paas jā ġham-e-insāñ liye hue

hai husn sau hijab-e-farozan liye hue

kya dekhe koi dida-e-hairan liye hue

lutf-e-qubul-e-husn ka arman liye hue

hazir hain hum mata-e-dil-o-jaan liye hue

dam-e-qafas ka dosh pe saman liye hue

sayyaad uThe nawed-e-bahaaran liye hue

kya kahiye bahr-e-shauq ki hangama-KHeziyan

hai mauj-mauj shorish-e-tufan liye hue

uljha hua hai zulf-e-tasawwur ka baal baal

har KHwab hai KHayal-e-pareshan liye hue

aalam tamam zulmat-e-nau se hai tira-jaan

baiThe ho shama tum tah-e-daman liye hue

wo surma karenge koi marka bhi sar

aae jo ran mein qalb-e-harasan liye hue

'arif' payam-e-am-e-mohabbat tera payam

insan ke pas ja gham-e-insan liye hue