hai ek hasin KHwab wafa ain shin qaf

hai ik hasīn ḳhvāb vafā 'ain shiin qaaf

har dard-e-dil kī bas hai davā 'ain shiin qaaf

iz.hār-e-'ishq us ne kiyā hai jo rū-barū

be-intihā mujhe bhī huā 'ain shiin qaaf

har vaqt terī yaad meñ khoyā huā huuñ maiñ

mujh ko navāz apnā zarā 'ain shiin qaaf

phir maiñ rahā na kaaf alif miim kā koī

mujh se jab aap ne hai kiyā 'ain shiin qaaf

pahlī aur āḳhirī ho mohabbat mire liye

kartā rahūñgā tum se sadā 'ain shiin qaaf

miltā hai chain terī jo tasvīr dekh luuñ

yādoñ se terī aise huā 'ain shiin qaaf

rab par yaqīn rakh na ho 'rahbar' udaas tū

ik din tujhe milegā tirā 'ain shiin qaaf

hai ek hasin KHwab wafa 'ain shin qaf

har dard-e-dil ki bas hai dawa 'ain shin qaf

izhaar-e-'ishq us ne kiya hai jo ru-baru

be-intiha mujhe bhi hua 'ain shin qaf

har waqt teri yaad mein khoya hua hun main

mujh ko nawaz apna zara 'ain shin qaf

phir main raha na kaf alif mim ka koi

mujh se jab aap ne hai kiya 'ain shin qaf

pahli aur aaKHiri ho mohabbat mere liye

karta rahunga tum se sada 'ain shin qaf

milta hai chain teri jo taswir dekh lun

yaadon se teri aise hua 'ain shin qaf

rab par yaqin rakh na ho 'rahbar' udas tu

ek din tujhe milega tera 'ain shin qaf