hai jo ek maraka faisal nahin hone deta

hai jo ik mā'raka faisal nahīñ hone detā

jin vo ho ke mujhe botal nahīñ hone detā

qatl ik roz hī kartā huuñ isī goshe meñ

aur sābit ise maqtal nahīñ hone detā

zid hai us kī ki har ik shāḳh ho phir sabz hī sabz

garche paidā koī koñpal nahīñ hone detā

raushnī apne ḳhayāloñ hī se karnī hogī

koī raushan kahīñ mash'al nahīñ hone detā

chūñ-ki miTTī kī bhī ek apnī alag ḳhushbū hai

maiñ kahīñ bhī ise sandal nahīñ hone detā

ik parinda ki jo sahtā hai havāoñ kā dabāo

aur parvāz ko paidal nahīñ hone detā

Dar hai us ko nazar aa.e na kahīñ zehn kā 'aks

vo mirā aa.ina saiqal nahīñ hone detā

tirā qānūn hai jangal kā ġhanīmat hai ki tū

mire is shahr ko jangal nahīñ hone detā

chalo baat us kī suneñ ek 'ajab mantiq se

jo kisī baat ko muhmal nahīñ hone detā

hai jo ek ma'raka faisal nahin hone deta

jin wo ho ke mujhe botal nahin hone deta

qatl ek roz hi karta hun isi goshe mein

aur sabit ise maqtal nahin hone deta

zid hai us ki ki har ek shaKH ho phir sabz hi sabz

garche paida koi konpal nahin hone deta

raushni apne KHayalon hi se karni hogi

koi raushan kahin mash'al nahin hone deta

chun-ki miTTi ki bhi ek apni alag KHushbu hai

main kahin bhi ise sandal nahin hone deta

ek parinda ki jo sahta hai hawaon ka dabao

aur parwaz ko paidal nahin hone deta

Dar hai us ko nazar aae na kahin zehn ka 'aks

wo mera aaina saiqal nahin hone deta

tera qanun hai jangal ka ghanimat hai ki tu

mere is shahr ko jangal nahin hone deta

chalo baat us ki sunen ek 'ajab mantiq se

jo kisi baat ko muhmal nahin hone deta