hai junun ke bhes mein koi numayan dekhiye

hai junūñ ke bhes meñ koī numāyāñ dekhiye

yuuñ to dāman dekhiye chāhe garebāñ dekhiye

barhamī-e-bazm-e-imkāñ se to aisā Dar nahīñ

haa.e kis dil se magar zulf-e-pareshāñ dekhiye

kuchh asīroñ kī bhī us dam yaad lāzim hai huzūr

fasl-e-gul meñ jab kahīñ gulhā-e-ḳhandāñ dekhiye

is dil-e-īzā-talab ko aur kis se ho umiid

jab but-e-nā-mehrbāñ ko bhī pashemāñ dekhiye

peshvā.ī yuuñ kiyā karte haiñ ahl-e-ishq kī

ḳhud-ba-ḳhud hilne lagī zanjīr-e-zindāñ dekhiye

hazrat-e-'mājid' isī meñ ab hai dil kī ḳhairiyat

jo dikhā.e ye junūn-e-fitna-sāmāñ dekhiye

hai junun ke bhes mein koi numayan dekhiye

yun to daman dekhiye chahe gareban dekhiye

barhami-e-bazm-e-imkan se to aisa Dar nahin

hae kis dil se magar zulf-e-pareshan dekhiye

kuchh asiron ki bhi us dam yaad lazim hai huzur

fasl-e-gul mein jab kahin gulha-e-KHandan dekhiye

is dil-e-iza-talab ko aur kis se ho umid

jab but-e-na-mehrban ko bhi pasheman dekhiye

peshwai yun kiya karte hain ahl-e-ishq ki

KHud-ba-KHud hilne lagi zanjir-e-zindan dekhiye

hazrat-e-'majid' isi mein ab hai dil ki KHairiyat

jo dikhae ye junun-e-fitna-saman dekhiye