hai koi mutrib na koi saz hai

hai koī mutrib na koī saaz hai

bas mirā naġhma mirī āvāz hai

aadmī kā kab koī hamrāz hai

merā apnā to yahī andāz hai

jā hī pahuñchūñgā kabhī manzil pe meñ

jazba-e-ulfat par-e-parvāz hai

zindagī ko jāntā huuñ zindagī

ye ġham-e-dildār kā e.ajāz hai

ġham-zada dil rah gayā hai aur maiñ

ab na vo ġhamze na vo ġhammāz hai

zindagī kyā zindagī kā dost kyā

ek dushman dūsrā dam-bāz hai

hai shikast-o-reḳht sāmān-e-junūñ

aql-e-ḳhud-bīñ mufsida-pardāz hai

rahne de allāh vaale haiñ kahāñ

tū bhī ai vaa.iz zamāna-sāz hai

'ḳhushtar' un kā banda-e-nāchīz ban

ye bhī to ik sūrat-e-e.ajāz hai

hai koi mutrib na koi saz hai

bas mera naghma meri aawaz hai

aadmi ka kab koi hamraaz hai

mera apna to yahi andaz hai

ja hi pahunchunga kabhi manzil pe mein

jazba-e-ulfat par-e-parwaz hai

zindagi ko jaanta hun zindagi

ye gham-e-dildar ka eajaz hai

gham-zada dil rah gaya hai aur main

ab na wo ghamze na wo ghammaz hai

zindagi kya zindagi ka dost kya

ek dushman dusra dam-baz hai

hai shikast-o-reKHt saman-e-junun

aql-e-KHud-bin mufsida-pardaz hai

rahne de allah wale hain kahan

tu bhi ai waiz zamana-saz hai

'KHushtar' un ka banda-e-nachiz ban

ye bhi to ek surat-e-eajaz hai