hai kya KHizan mein mumkin sahra mein bagh nikle

hai kyā ḳhizāñ meñ mumkin sahrā meñ baaġh nikle

zulmat ko jo miTā.e aisā charāġh nikle

shor-e-safīr-e-bulbul se gūñjtā thā kal tak

kyuuñ aaj mere ghar meñ rone ko zaaġh nikle

dāġh-e-qamar se āḳhir jab āshnā huā maiñ

jitne raqīb paa.e un meñ na daaġh nikle

Dartā thā maiñ na aa.e vaqt-e-firāq mujh par

kuchh vasl se tire ab haul-e-dimāġh nikle

ho justujū meñ jis kī hai vo mazār kaisā

kyā apnī qabr kā tum lene surāġh nikle

maiñ thak chukā huuñ 'nāqid' tarġhīb-e-zindagī se

chāhūñ ufuq se āḳhir roz-e-farāġh nikle

hai kya KHizan mein mumkin sahra mein bagh nikle

zulmat ko jo miTae aisa charagh nikle

shor-e-safir-e-bulbul se gunjta tha kal tak

kyun aaj mere ghar mein rone ko zagh nikle

dagh-e-qamar se aaKHir jab aashna hua main

jitne raqib pae un mein na dagh nikle

Darta tha main na aae waqt-e-firaq mujh par

kuchh wasl se tere ab haul-e-dimagh nikle

ho justuju mein jis ki hai wo mazar kaisa

kya apni qabr ka tum lene suragh nikle

main thak chuka hun 'naqid' targhib-e-zindagi se

chahun ufuq se aaKHir roz-e-faragh nikle