hai makin koi dusra mujh mein

Shariq Jamal

hai makin koi dusra mujh mein

Shariq Jamal

MORE BYShariq Jamal

    hai makīñ koī dūsrā mujh meñ

    mujh se bhī kuchh hai māvarā mujh meñ

    sho.ala-e-tūr jal bujhā mujh meñ

    kaash mil jaa.e ab ḳhudā mujh meñ

    mujh ko mujh se judā kiyā ya.anī

    us ne ḳhud ko milā diyā mujh meñ

    zehn-o-dil hadoñ se duur kahīñ

    bāb-e-imkāñ koī khulā mujh meñ

    shab ko vo ḳhud supurdagī us

    jaise ik raaz khul gayā mujh meñ

    mujh ko ehsās nahīñ thā magar

    maiñ thā vo jo mar gayā mujh meñ

    apnā nām-o-nishāñ nahīñ miltā

    tujh se mil kar ye kyā huā mujh meñ

    harf-e-haq jis ḳhauf thā mujh ko

    kah diyā kis ne barmalā mujh meñ

    mere lab par baqā giit rahā

    go panaptī rahī fanā mujh meñ

    nāravā to baat kyā kiije

    ab ravā bhī nahīñ ravā mujh meñ

    merī taqsīm baar baar huī

    ab to maiñ bhī nahīñ rahā mujh meñ

    terī sachchā.ī mo.ajiza Thahrī

    khul gayā jo fareb thā mujh meñ

    vaqt kaise miTā.egā mujh ko

    vo to zanjīr ho chukā mujh meñ

    har taġhayyur hai merā parvarda

    aur kuchh bhī nahīñ nayā mujh meñ

    us ko paane ke ba.ad bhī jaise

    us ko paane ḳhauf thā mujh meñ

    hai baḌe ma.arke ran 'shāriq'

    ek hañgāma hai bapā mujh meñ

    hai makin koi dusra mujh mein

    mujh se bhi kuchh hai mawara mujh mein

    shoala-e-tur jal bujha mujh mein

    kash mil jae ab KHuda mujh mein

    mujh ko mujh se juda kiya yani

    us ne KHud ko mila diya mujh mein

    zehn-o-dil ki hadon se dur kahin

    bab-e-imkan koi khula mujh mein

    shab ko wo KHud supurdagi us ki

    jaise ek raaz khul gaya mujh mein

    mujh ko ehsas hi nahin tha magar

    main hi tha wo jo mar gaya mujh mein

    apna nam-o-nishan nahin milta

    tujh se mil kar ye kya hua mujh mein

    harf-e-haq jis ka KHauf tha mujh ko

    kah diya kis ne barmala mujh mein

    mere lab par baqa ka git raha

    go panapti rahi fana mujh mein

    narawa ki to baat kya kije

    ab rawa bhi nahin rawa mujh mein

    meri taqsim bar bar hui

    ab to main bhi nahin raha mujh mein

    teri sachchai moajiza Thahri

    khul gaya jo fareb tha mujh mein

    waqt kaise miTaega mujh ko

    wo to zanjir ho chuka mujh mein

    har taghayyur hai mera parwarda

    aur kuchh bhi nahin naya mujh mein

    us ko pane ke baad bhi jaise

    us ko pane ka KHauf tha mujh mein

    hai baDe marke ka ran 'shaariq'

    ek hangama hai bapa mujh mein

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now