hai mauj-e-reg-e-rawan ki bahaar sahra mein

hai mauj-e-reg-e-ravāñ kī bahār sahrā meñ

sukūt phailā hai is be-kanār sahrā meñ

tirī ḳharābī to tā'mīr meñ hī muzmir hai

guloñ ke badle mile haiñ jo ḳhaar sahrā meñ

bichhaḌ ga.ī hai kahāñ mere qais kī lailā

lagā.e maiñ ne ka.ī ishtihār sahrā meñ

mire junūñ kī dulhan to sañvar ke baiThī hai

chalo na Dolī uThā ke kahār sahrā meñ

vahāñ pe daal ḳhirad kī to gal nahīñ saktī

kabhī na jaa.e koī hoshiyār sahrā meñ

shikār karne ke apne usuul qaa.em rakh

rahegā jalva tirā barqarār sahrā meñ

sañbhāl ḳhud ko tū ai jashn-e-nau-bahār na ro

kahāñ rahā hai mirā iḳhtiyār sahrā meñ

hai mauj-e-reg-e-rawan ki bahaar sahra mein

sukut phaila hai is be-kanar sahra mein

teri KHarabi to ta'mir mein hi muzmir hai

gulon ke badle mile hain jo KHar sahra mein

bichhaD gai hai kahan mere qais ki laila

lagae main ne kai ishtihaar sahra mein

mere junun ki dulhan to sanwar ke baiThi hai

chalo na Doli uTha ke kahaar sahra mein

wahan pe dal KHirad ki to gal nahin sakti

kabhi na jae koi hoshiyar sahra mein

shikar karne ke apne usul qaem rakh

rahega jalwa tera barqarar sahra mein

sanbhaal KHud ko tu ai jashn-e-nau-bahaar na ro

kahan raha hai mera iKHtiyar sahra mein