hai mera rang-e-suKHan rang-e-bayan kuchh muKHtalif

hai mirā rañg-e-suḳhan rañg-e-bayāñ kuchh muḳhtalif

ye nashāt-e-dilbarī tarz-e-fuġhāñ kuchh muḳhtalif

dekhiye kis raah par chaltā rahā hai kārvāñ

haiñ hamāre rāstoñ par ye nishāñ kuchh muḳhtalif

jo hamāre zikr ko ham se bhī poshīda rakhe

ab hameñ bhī chāhiye ik rāz-dāñ kuchh muḳhtalif

ek an-jānī sī chup hai chaar sū phailī huī

chāhiye ai mehrbāñ! ik ham-zabāñ kuchh muḳhtalif

hai nashāt-e-vasl se sarshār aalam hī sabhī

ham magar is hijr meñ haiñ shādmāñ kuchh muḳhtalif

ham sunā.eñ 'shāhida' kis tarz se kis rañg se

hai kahānī muḳhtalif ye dāstāñ kuchh muḳhtalif

hai mera rang-e-suKHan rang-e-bayan kuchh muKHtalif

ye nashat-e-dilbari tarz-e-fughan kuchh muKHtalif

dekhiye kis rah par chalta raha hai karwan

hain hamare raston par ye nishan kuchh muKHtalif

jo hamare zikr ko hum se bhi poshida rakhe

ab hamein bhi chahiye ek raaz-dan kuchh muKHtalif

ek an-jaani si chup hai chaar su phaili hui

chahiye ai mehrban! ek ham-zaban kuchh muKHtalif

hai nashat-e-wasl se sarshaar aalam hi sabhi

hum magar is hijr mein hain shadman kuchh muKHtalif

hum sunaen 'shahida' kis tarz se kis rang se

hai kahani muKHtalif ye dastan kuchh muKHtalif