hai nigahban ruKH ka Khaal-ru-e-dost

Habeeb Moosavi

hai nigahban ruKH ka Khaal-ru-e-dost

Habeeb Moosavi

MORE BYHabeeb Moosavi

    hai nigahbāñ ruḳh ḳhāl-rū-e-dost

    hāfiz-e-qur.āñ huā hindū-e-dost

    ham na hoñ patthar ho ham pahlū-e-dost

    ā.īna luuTe bahār-e-rū-e-dost

    phir ga.ī jab nargis-e-jādū-e-dost

    sab musalmāñ ho ga.e hindū-e-dost

    bhā ga.ī hai dil ko aisī ḳhū-e-dost

    aatī hai har gul se mujh ko bū-e-dost

    hai ḳhayāl-e-āriz-o-gesū-e-dost

    gah musalmān huuñ kabhī hindū-e-dost

    sau balā.eñ aa ga.iiñ ushshāq par

    jab kamar tak aa ga.e gesū-e-dost

    haDDiyāñ merī na khānā ai humā

    daañt rakhte haiñ sagān-e-kū-e-dost

    aag bhaḌke kyuuñ na pahlū meñ mire

    ġhair haiñ vaañ aaj ham pahlū-e-dost

    asl ye hai naql-e-mehrāb-e-haram

    sajda vājib hai tah-e-abrū-e-dost

    teġh-e-abrū par kaTe lākhoñ gale

    ban gayā ganj-e-shahīdāñ kū-e-dost

    dil huā maftūñ nigāh-e-yār

    sher-afgan haiñ magar āhū-e-dost

    ba.ad-e-murdan qabr meñ āThoñ pahar

    aa.egā mujh ko ḳhayāl-e-rū-e-dost

    phir rahā hai aaj putlī tarah

    merī āñkhoñ meñ qad-e-dil-jū-e-dost

    hai ḳhayāl-e-ḳhāl-e-mushkīñ raat din

    dil ko mere jaan lo mushkū-e-dost

    ab vahī sar hai ki Takrātā huuñ maiñ

    vasl meñ ye thā sar-e-zānū-e-dost

    kyā koī aafat abhī baaqī hai aur

    le chalā hai dil mujhe phir sū-e-dost

    le uḌī be-sāḳhta dil ko mire

    aa ga.ī jis dam havā-e-kū-e-dost

    rañg-e-ulfat se miTā zañg-e-duī

    ho ga.ī hai mujh meñ paidā bū-e-dost

    ġhairat-e-mansūr huuñ maiñ ai 'habīb'

    har ghaḌī huuñ sarf-e-hā-o-hū-e-dost

    hai nigahban ruKH ka KHal-ru-e-dost

    hafiz-e-quran hua hindu-e-dost

    hum na hon patthar ho hum pahlu-e-dost

    aaina luTe bahaar-e-ru-e-dost

    phir gai jab nargis-e-jadu-e-dost

    sab musalman ho gae hindu-e-dost

    bha gai hai dil ko aisi KHu-e-dost

    aati hai har gul se mujh ko bu-e-dost

    hai KHayal-e-ariz-o-gesu-e-dost

    gah musalman hun kabhi hindu-e-dost

    sau balaen aa gain ushshaq par

    jab kamar tak aa gae gesu-e-dost

    haDDiyan meri na khana ai huma

    dant rakhte hain sagan-e-ku-e-dost

    aag bhaDke kyun na pahlu mein mere

    ghair hain wan aaj hum pahlu-e-dost

    asl ye hai naql-e-mehrab-e-haram

    sajda wajib hai tah-e-abru-e-dost

    tegh-e-abru par kaTe lakhon gale

    ban gaya ganj-e-shahidan ku-e-dost

    dil hua maftun nigah-e-yar ka

    sher-afgan hain magar aahu-e-dost

    baad-e-murdan qabr mein aaThon pahar

    aaega mujh ko KHayal-e-ru-e-dost

    phir raha hai aaj putli ki tarah

    meri aankhon mein qad-e-dil-ju-e-dost

    hai KHayal-e-KHal-e-mushkin raat din

    dil ko mere jaan lo mushku-e-dost

    ab wahi sar hai ki Takraata hun main

    wasl mein ye tha sar-e-zanu-e-dost

    kya koi aafat abhi baqi hai aur

    le chala hai dil mujhe phir su-e-dost

    le uDi be-saKHta dil ko mere

    aa gai jis dam hawa-e-ku-e-dost

    rang-e-ulfat se miTa zang-e-dui

    ho gai hai mujh mein paida bu-e-dost

    ghairat-e-mansur hun main ai 'habib'

    har ghaDi hun sarf-e-ha-o-hu-e-dost

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY