hai nihayat saKHt shan-e-imtihan-e-ku-e-dost

hai nihāyat saḳht shān-e-imtihān-e-kū-e-dost

zindagī se haath dho leñ sākinān-e-kū-e-dost

jab nahīñ paate pata nā-vāqifān-e-kū-e-dost

dard uTh uTh ke batātā hai nishān-e-kū-e-dost

tañg karte haiñ hameñ kyuuñ pāsbān-e-kū-e-dost

aur haiñ do-chār din ham mehmān-e-kū-e-dost

nā-tavāñ ye aur manzil ishq kī dushvār-tar

chalte chalte thak na jaa.eñ rah-ravān-e-dost

ārzū-e-vasl hai ab aur na furqat kā alam

shukr hai ārām se haiñ ḳhuftagān-e-kū-e-dost

kaun sī jā hai asīrān-e-mohabbat ke liye

kis liye jaa.eñ kahīñ vābastagān-e-kū-e-dost

ai 'rashīd' ulfat meñ jazb-e-dil salāmat chāhiye

DhūñD hī leñge kisī sūrat nishān-e-kū-e-dost

hai nihayat saKHt shan-e-imtihan-e-ku-e-dost

zindagi se hath dho len sakinan-e-ku-e-dost

jab nahin pate pata na-waqifan-e-ku-e-dost

dard uTh uTh ke batata hai nishan-e-ku-e-dost

tang karte hain hamein kyun pasban-e-ku-e-dost

aur hain do-chaar din hum mehman-e-ku-e-dost

na-tawan ye aur manzil ishq ki dushwar-tar

chalte chalte thak na jaen rah-rawan-e-dost

aarzu-e-wasl hai ab aur na furqat ka alam

shukr hai aaram se hain KHuftagan-e-ku-e-dost

kaun si ja hai asiran-e-mohabbat ke liye

kis liye jaen kahin wabastagan-e-ku-e-dost

ai 'rashid' ulfat mein jazb-e-dil salamat chahiye

DhunD hi lenge kisi surat nishan-e-ku-e-dost