hai phul ki us ka naqsh-e-pa hai

hai phuul ki us kā naqsh-e-pā hai

ā.īna sā raah meñ paḌā hai

kyā ḳhūbī-e-ḳhanjar-e-adā hai

har zaḳhm takallum-āshnā hai

us haath pe surḳhī-e-hinā hai

yā dil se lahū Tapak rahā hai

hai sail-e-ravāñ ġhamoñ kā phir bhī

jiine kā mujh meñ hausla hai

bārish hī use hayāt degī

quqnus to abhī jalā huā hai

qāsid kā yaqīñ nahīñ hai mujh ko

ḳhat terā kyoñ khulā huā hai

e.ajāz hai mere ābloñ kā

sahrā-e-junūñ harā-bharā hai

girdāb meñ hai safīna merā

'sāhil' ḳhāmosh tak rahā hai

hai phul ki us ka naqsh-e-pa hai

aaina sa rah mein paDa hai

kya KHubi-e-KHanjar-e-ada hai

har zaKHm takallum-ashna hai

us hath pe surKHi-e-hina hai

ya dil se lahu Tapak raha hai

hai sail-e-rawan ghamon ka phir bhi

jine ka mujh mein hausla hai

barish hi use hayat degi

quqnus to abhi jala hua hai

qasid ka yaqin nahin hai mujh ko

KHat tera kyon khula hua hai

eajaz hai mere aablon ka

sahra-e-junun hara-bhara hai

girdab mein hai safina mera

'sahil' KHamosh tak raha hai