hai qaht na tufan na koi KHauf waba ka

hai qaht na tūfāñ na koī ḳhauf vabā kā

is des pe saaya hai kisī aur balā kā

har shaam sisaktī huī fariyād kī vaadī

har sub.h sulagtā huā sahrā hai sadā kā

apnā to nahīñ thā maiñ kabhī aur ġhamoñ ne

maarā mujhe aisā rahā terā na ḳhudā kā

phaile hue har-samt jahāñ hirs-o-havas huuñ

phūlegā phalegā vahāñ kyā peḌ vafā kā

hāthoñ kī lakīreñ tujhe kyā samt dikhā.eñ

sun vaqt kī āvāz ko ruḳh dekh havā kā

luqmān-o-masīhā ne bhī koshish to bahut kī

hotā hai asar us pe duā kā na davā kā

is baar jo naġhma tirī yādoñ se uThā hai

mushkil hai ki pāband ho alfāz-o-sadā kā

itnī tire insāf kī dekhī haiñ misāleñ

lagtā hī nahīñ mulk tirā mulk ḳhudā kā

samjhā thā vo andar kahīñ paivast hai mujh meñ

dekhā to mire haath meñ āñchal thā sabā kā

hai qaht na tufan na koi KHauf waba ka

is des pe saya hai kisi aur bala ka

har sham sisakti hui fariyaad ki wadi

har subh sulagta hua sahra hai sada ka

apna to nahin tha main kabhi aur ghamon ne

mara mujhe aisa raha tera na KHuda ka

phaile hue har-samt jahan hirs-o-hawas hun

phulega phalega wahan kya peD wafa ka

hathon ki lakiren tujhe kya samt dikhaen

sun waqt ki aawaz ko ruKH dekh hawa ka

luqman-o-masiha ne bhi koshish to bahut ki

hota hai asar us pe dua ka na dawa ka

is bar jo naghma teri yaadon se uTha hai

mushkil hai ki paband ho alfaz-o-sada ka

itni tere insaf ki dekhi hain misalen

lagta hi nahin mulk tera mulk KHuda ka

samjha tha wo andar kahin paiwast hai mujh mein

dekha to mere hath mein aanchal tha saba ka