hai rakhni kitni rawani nahin samajh pae

hai rakhnī kitnī ravānī nahīñ samajh paa.e

javān log javānī nahīñ samajh paa.e

vo log ishq ke sahrā meñ tishna-lab hī rahe

jo log ret ko paanī nahīñ samajh paa.e

ulaT-palaT ke bahut ziist ko paḌhā ham ne

kisī tarah bhī ma.ānī nahīñ samajh paa.e

jadīd lahje meñ us ne hamārī baat kahī

samajh thī jin kī purānī nahīñ samajh paa.e

hujūm-e-shahr meñ din jaise-taise kaaT diyā

kahāñ hai raat bitānī nahīñ samajh paa.e

tamām umr suḳhan-āshnā rahe lekin

ġhazal thī kis ko sunānī nahīñ samajh paa.e

ye ham ne Thaan rakhī hai ki ḳhush nahīñ rahnā

magar ye kis liye Thānī nahīñ samajh paa.e

ham us ko ḳhvāb samajhte the sub.h kā rañgīñ

ham us ko raat kī raanī nahīñ samajh paa.e

ye log apnī ḳhirad ke shikār log haiñ 'jashn'

tabhī to dil kī zabānī nahīñ samajh paa.e

hai rakhni kitni rawani nahin samajh pae

jawan log jawani nahin samajh pae

wo log ishq ke sahra mein tishna-lab hi rahe

jo log ret ko pani nahin samajh pae

ulaT-palaT ke bahut zist ko paDha hum ne

kisi tarah bhi maani nahin samajh pae

jadid lahje mein us ne hamari baat kahi

samajh thi jin ki purani nahin samajh pae

hujum-e-shahr mein din jaise-taise kaT diya

kahan hai raat bitani nahin samajh pae

tamam umr suKHan-ashna rahe lekin

ghazal thi kis ko sunani nahin samajh pae

ye hum ne Than rakhi hai ki KHush nahin rahna

magar ye kis liye Thani nahin samajh pae

hum us ko KHwab samajhte the subh ka rangin

hum us ko raat ki rani nahin samajh pae

ye log apni KHirad ke shikar log hain 'jashn'

tabhi to dil ki zabani nahin samajh pae