hai tar tar junun-e-wafa mein rishta-e-KHak

hai taar taar junūn-e-vafā meñ rishta-e-ḳhāk

kise sunā.iye shahr-e-jafā meñ qissa-e-ḳhāk

isī ne bujhte hue āñsuoñ ko hurmat dī

isī ne baḳhshā hai dast-e-du'ā meñ hissa-e-ḳhāk

charāġh-e-ashk-e-nadāmat meñ raushnī thī bahut

tamām raat chamaktā rahā vazīfa-e-ḳhāk

havas kī dhuup meñ phailā hai shor-e-ḳhalq-e-ḳhudā

sunā kisī ne nahīñ bastiyoñ meñ girya-e-ḳhāk

hai tar tar junun-e-wafa mein rishta-e-KHak

kise sunaiye shahr-e-jafa mein qissa-e-KHak

isi ne bujhte hue aansuon ko hurmat di

isi ne baKHsha hai dast-e-du'a mein hissa-e-KHak

charagh-e-ashk-e-nadamat mein raushni thi bahut

tamam raat chamakta raha wazifa-e-KHak

hawas ki dhup mein phaila hai shor-e-KHalq-e-KHuda

suna kisi ne nahin bastiyon mein girya-e-KHak