hai tere dagh se tar sina-e-sozan mera

hai tire daaġh se tar sīna-e-sozāñ merā

āb-o-rañg aag se rakhtā hai gulistāñ merā

ġham ke hāthoñ na rahā kuchh bhī rafū ke qābil

bas-ki sau baar huā chaak garebāñ merā

mauj-e-dariyā kī tarah zabt meñ aa saktā nahīñ

koī kyuuñ kar kahe ahvāl-e-pareshāñ merā

rū agar dījiye is ko bhī to kuchh aib nahīñ

aa.ine se bhī gayā kyā dil-e-hairāñ merā

maiñ to zāhir na karūñ us kī jafā ko lekin

chhup sake kyoñ ki 'yaqīñ' zaḳhm-e-numāyāñ merā

hai tere dagh se tar sina-e-sozan mera

aab-o-rang aag se rakhta hai gulistan mera

gham ke hathon na raha kuchh bhi rafu ke qabil

bas-ki sau bar hua chaak gareban mera

mauj-e-dariya ki tarah zabt mein aa sakta nahin

koi kyun kar kahe ahwal-e-pareshan mera

ru agar dijiye is ko bhi to kuchh aib nahin

aaine se bhi gaya kya dil-e-hairan mera

main to zahir na karun us ki jafa ko lekin

chhup sake kyon ki 'yaqin' zaKHm-e-numayan mera