hai Tonk arz-e-pak wahin se uThenge hum

hai Toñk arz-e-pāk vahīñ se uTheñge ham

uTThī jahāñ se ḳhaak vahīñ se uTheñge ham

dīvār-e-mai-kada ke udhar salsabīl hai

farzandagān-e-tāk vahīñ se uTheñge ham

muddat se band hai jo darīcha bahār kā

ai kunj-e-nā-tapāk vahīñ se uTheñge ham

pairāhan-e-falak pe jahāñ ḳhatt-e-nūr hai

dāman hai vaañ se chaak vahīñ se uTheñge ham

ham ne vahīñ pe chāñd ko dekhā hai multafit

vo ghar hai tābnāk vahīñ se uTheñge ham

is ḳhaak hī ne ḳhaak ko paalā hai umr bhar

paayā jahāñ se kaak vahīñ se uTheñge ham

'arshad' ham apne shahr se aa to ga.e magar

apnī vahīñ hai dhaak vahīñ se uTheñge ham

hai Tonk arz-e-pak wahin se uThenge hum

uTThi jahan se KHak wahin se uThenge hum

diwar-e-mai-kada ke udhar salsabil hai

farzandagan-e-tak wahin se uThenge hum

muddat se band hai jo daricha bahaar ka

ai kunj-e-na-tapak wahin se uThenge hum

pairahan-e-falak pe jahan KHatt-e-nur hai

daman hai wan se chaak wahin se uThenge hum

hum ne wahin pe chand ko dekha hai multafit

wo ghar hai tabnak wahin se uThenge hum

is KHak hi ne KHak ko pala hai umr bhar

paya jahan se kak wahin se uThenge hum

'arshad' hum apne shahr se aa to gae magar

apni wahin hai dhak wahin se uThenge hum