hai wahm jaise koi naqsh ye duhai de
hai vahm jaise koī naqsh ye duhā.ī de
ye zarb-e-tesha mujhe sañg se rihā.ī de
natīja-e-darūñ-bīnī thā kis qadar be-kaif
kueñ meñ duur tak ab ret hī dikhā.ī de
hisār-e-gosh-e-samā.at kī dastaras meñ kahāñ
tū vo sadā jo faqat jism ko sunā.ī de
ye kis talab kī havā.eñ mashām-e-jāñ meñ chalīñ
ki jalte gosht kī ḳhushbū faqat suñghā.ī de
chalo ki donoñ hoñ gardāb-e-ittisāl meñ ġharq
na jaane vaqt kise sāhil-e-judā.ī de
harā-bharā hī rahegā vo ḳhvāhishoñ kā daraḳht
havā hazār use barg-e-nā-rasā.ī de
'musavvir' us se kaho umr bhar na mil paa.e
baḌā hai jurm aziyyat bhī intihā.ī de
hai wahm jaise koi naqsh ye duhai de
ye zarb-e-tesha mujhe sang se rihai de
natija-e-darun-bini tha kis qadar be-kaif
kuen mein dur tak ab ret hi dikhai de
hisar-e-gosh-e-samaat ki dastaras mein kahan
tu wo sada jo faqat jism ko sunai de
ye kis talab ki hawaen masham-e-jaan mein chalin
ki jalte gosht ki KHushbu faqat sunghai de
chalo ki donon hon gardab-e-ittisal mein gharq
na jaane waqt kise sahil-e-judai de
hara-bhara hi rahega wo KHwahishon ka daraKHt
hawa hazar use barg-e-na-rasai de
'musawwir' us se kaho umr bhar na mil pae
baDa hai jurm aziyyat bhi intihai de
Source:
Shab Khoon(Shumara Number-067) (Pg. ebook-73 page-70)
-
- Edition: 1971
- Publisher: Asrar Karimi Press, Allahabad
- Year of Publication: 1971
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
