hai yaad tujhse mera wo sharh-e-haal dena

hai yaad tujh se merā vo sharh-e-hāl denā

aur sun ke terā us ko hañs hañs ke Taal denā

kar kar ke yaad us kī behāl huuñ nihāyat

fursat zarā tū mujh ko tū ai ḳhayāl denā

us zulf-e-kaj ke uqde hargiz khule na mujh par

kyuuñ us ko shāna kar ke ek ek baal denā

maiñ mudda.ā ko apne mahmil kahūñ huuñ tujh se

gosh-e-dil apnā īdhar sāhab-e-jamāl denā

is umr bhar meñ tujh se māñgā hai ek bosa

ḳhālī paḌe na pyāre merā savāl denā

ham se rukhā.iyāñ aur muñh jhulse mudda.ī kā

bosa pe bosa har dam duuñ be-savāl denā

yā-rab kisī pe hargiz āshiq koī na ho jo

dil haath dilbaroñ ke hai bad-ma.āl denā

vo mehrbāñ ki ham ko altāf-e-bar-mahal se

paas apne se thā us ko uThne muhāl denā

dekhe hai duur se to kahtā hai be-muravvat

ye kaun aa ghusā hai is ko nikāl denā

qaabū hai terā 'hasrat' mat chhoḌ mudda.ī ko

dushman ko maslahat niiñ hargiz majāl denā

hai yaad tujh se mera wo sharh-e-haal dena

aur sun ke tera us ko hans hans ke Tal dena

kar kar ke yaad us ki behaal hun nihayat

fursat zara tu mujh ko tu ai KHayal dena

us zulf-e-kaj ke uqde hargiz khule na mujh par

kyun us ko shana kar ke ek ek baal dena

main muddaa ko apne mahmil kahun hun tujh se

gosh-e-dil apna idhar sahab-e-jamal dena

is umr bhar mein tujh se manga hai ek bosa

KHali paDe na pyare mera sawal dena

hum se rukhaiyan aur munh jhulse muddai ka

bosa pe bosa har dam dun be-sawal dena

ya-rab kisi pe hargiz aashiq koi na ho jo

dil hath dilbaron ke hai bad-maal dena

wo mehrban ki hum ko altaf-e-bar-mahal se

pas apne se tha us ko uThne muhaal dena

dekhe hai dur se to kahta hai be-murawwat

ye kaun aa ghusa hai is ko nikal dena

qabu hai tera 'hasrat' mat chhoD muddai ko

dushman ko maslahat nin hargiz majal dena