hain ashk meri aankhon mein qulzum se ziyaada

Imam Bakhsh Nasikh

hain ashk meri aankhon mein qulzum se ziyaada

Imam Bakhsh Nasikh

MORE BY Imam Bakhsh Nasikh

    haiñ ashk mirī āñkhoñ meñ qulzum se ziyāda

    haiñ daaġh mire siine meñ anjum se ziyāda

    sau ramz kartā hai ishāre meñ vo bāteñ

    hai lutf ḳhamoshī meñ takallum se ziyāda

    juz sabr dilā chāra nahīñ ishq-e-butāñ meñ

    karte haiñ ye zulm aur tazallum se ziyāda

    mai-ḳhāne meñ sau martaba maiñ mar ke jiyā huuñ

    hai qulqul-e-mīnā mujhe qum-qum se ziyāda

    sau raqs se afzūñ hai parī-rū tirī raftār

    paañv sadā laakh tarannum se ziyāda

    taklīf-e-takalluf se kiyā ishq ne āzād

    mū-e-sar-e-shorīda haiñ qāqum se ziyāda

    māshūqoñ se ummīd-e-vafā rakhte ho 'nāsiḳh'

    nādāñ koī duniyā meñ nahīñ tum se ziyāda

    hain ashk meri aankhon mein qulzum se ziyaada

    hain dagh mere sine mein anjum se ziyaada

    sau ramz ki karta hai ishaare mein wo baaten

    hai lutf KHamoshi mein takallum se ziyaada

    juz sabr dila chaara nahin ishq-e-butan mein

    karte hain ye zulm aur tazallum se ziyaada

    mai-KHane mein sau martaba main mar ke jiya hun

    hai qulqul-e-mina mujhe qum-qum se ziyaada

    sau raqs se afzun hai pari-ru teri raftar

    panw ki sada lakh tarannum se ziyaada

    taklif-e-takalluf se kiya ishq ne aazad

    mu-e-sar-e-shorida hain qaqum se ziyaada

    mashuqon se ummid-e-wafa rakhte ho 'nasiKH'

    nadan koi duniya mein nahin tum se ziyaada

    RECITATIONS

    Fasih Akmal

    Fasih Akmal

    Fasih Akmal

    hain ashk meri aankhon mein qulzum se ziyaada Fasih Akmal

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites