hain bazm-e-gul mein bapa nauha-KHwaniyan kya kya

Zaheer Kashmiri

hain bazm-e-gul mein bapa nauha-KHwaniyan kya kya

Zaheer Kashmiri

MORE BYZaheer Kashmiri

    haiñ bazm-e-gul meñ bapā nauha-ḳhvāniyāñ kyā kyā

    bahār chhoḌ ga.ī hai nishāniyāñ kyā kyā

    tamām umr gul-o-mul ke darmiyāñ guzrī

    tamām umr rahīñ sar-girāniyāñ kyā kyā

    vo shaḳhs-e-itr-badan jab bhī sāmne aayā

    dil-o-nazar pe huiiñ gul-o-fashāniyāñ kyā kyā

    ḳhabar na thī yahī vaj.h-e-sukūn-e-jāñ hogī

    nigāh-e-yār se thiiñ bad-gumāniyāñ kyā kyā

    Tapak ke aañkh se tūfāñ uThā diye jis ne

    is ek ashk meñ thiiñ be-karāniyāñ kyā kyā

    huzūr-e-yār se jab izn-e-guftugū na milā

    suḳhan-tarāz huiiñ be-zabāniyāñ kyā kyā

    har ek dard ko darmāñ banā diyā us ne

    jafā ke bhes meñ thiiñ mehrbāniyāñ kyā kyā

    vo husn aaj bhī hīla-garī meñ yaktā hai

    dil-e-ġharīb sunegā kahāniyāñ kyā kyā

    us ik jamāl-e-gurezāñ justujū meñ 'zahīr'

    ḳharāb-o-ḳhvār huī haiñ javāniyāñ kyā kyā

    hain bazm-e-gul mein bapa nauha-KHwaniyan kya kya

    bahaar chhoD gai hai nishaniyan kya kya

    tamam umr gul-o-mul ke darmiyan guzri

    tamam umr rahin sar-giraniyan kya kya

    wo shaKHs-e-itr-badan jab bhi samne aaya

    dil-o-nazar pe huin gul-o-fashaniyan kya kya

    KHabar na thi yahi wajh-e-sukun-e-jaan hogi

    nigah-e-yar se thin bad-gumaniyan kya kya

    Tapak ke aankh se tufan uTha diye jis ne

    is ek ashk mein thin be-karaniyan kya kya

    huzur-e-yar se jab izn-e-guftugu na mila

    suKHan-taraaz huin be-zabaniyan kya kya

    har ek dard ko darman bana diya us ne

    jafa ke bhes mein thin mehrbaniyan kya kya

    wo husn aaj bhi hila-gari mein yakta hai

    dil-e-gharib sunega kahaniyan kya kya

    us ek jamal-e-gurezan ki justuju mein 'zahir'

    KHarab-o-KHwar hui hain jawaniyan kya kya

    Source:

    • Book : Raqs-e-junuu.n (Pg. 26)
    • Author : Zaheer Kashmiri
    • Publication : Mohd Jameel-un-nabi (1982)
    • Edition : 1982
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY