hain kashmakash mein aaj teri dastan se hum

Aziz Badayuni

hain kashmakash mein aaj teri dastan se hum

Aziz Badayuni

MORE BY Aziz Badayuni

    haiñ kashmakash meñ aaj tirī dāstāñ se ham

    ai dil shurūa kareñ ye hikāyat kahāñ se ham

    terā ḳhulūs terī mohabbat tirī nazar

    kis tarah chhīn laa.eñ mah-o-kahkashāñ se ham

    nāzāñ hai koī apne taġhāful pe marhabā

    majbūr ho rahe dil-e-nāz-dāñ se ham

    josh-e-junūñ ne thaam liyā hai ḳhulūs hai

    guzre qadam qadam pe na.e imtihāñ se ham

    qaht-e-vafā meñ valvala-e-jāñ fanā huā

    kyā bad-gumāñ haiñ aaj kisī rāzdāñ se ham

    ye to ḳhizāñ-nasīb bahāroñ se pūchhiye

    vābasta-e-ḳhulūs rahe gulistāñ se ham

    mahsūs ho rahā hai ki manzil qarīb hai

    kuchh duur chuke haiñ fazā-e-jahāñ se ham

    uf vus.at-e-nigāh-e-taḳhayyul na pūchhiye

    so āsmāñ-buland haiñ is āsmāñ se ham

    ye dāstān-e-ġham matā-e-'azīz' hai

    duniyā basā rahe haiñ ġham-e-jāvedāñ se ham

    hain kashmakash mein aaj teri dastan se hum

    ai dil shurua karen ye hikayat kahan se hum

    tera KHulus teri mohabbat teri nazar

    kis tarah chhin laen mah-o-kahkashan se hum

    nazan hai koi apne taghaful pe marhaba

    majbur ho rahe dil-e-naz-dan se hum

    josh-e-junun ne tham liya hai KHulus hai

    guzre qadam qadam pe nae imtihan se hum

    qaht-e-wafa mein walwala-e-jaan fana hua

    kya bad-guman hain aaj kisi raazdan se hum

    ye to KHizan-nasib bahaaron se puchhiye

    wabasta-e-KHulus rahe gulistan se hum

    mahsus ho raha hai ki manzil qarib hai

    kuchh dur ja chuke hain faza-e-jahan se hum

    uf wusat-e-nigah-e-taKHayyul na puchhiye

    so aasman-buland hain is aasman se hum

    ye dastan-e-gham hi mata-e-'aziz' hai

    duniya basa rahe hain gham-e-jawedan se hum

    Source:

    • Book : Aabshaar (Pg. 162)
    • Author : Aziz Badayuni
    • Publication : Aziz Badayuni (Begum Aziz Azam (1981)
    • Edition : 1981
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY