hain mere zaKHm ki ranaiyan ajib-o-gharib

haiñ mere zaḳhm kī ra.anā.iyāñ ajīb-o-ġharīb

ki us ko chāhiye gahrā.iyāñ ajīb-o-ġharīb

ye kis kā zor hai mere charāġh kī lau par

banā rahā hai jo parchhā.iyāñ ajīb-o-ġharīb

hamāre ḳhvāb kī galiyoñ se kaun guzrā hai

ki aa rahī haiñ ye añgḌā.iyāñ ajīb-o-ġharīb

nazar utārtī hai vaqt vaqt par merī

milī hai maaoñ ko bīnā.iyāñ ajīb-o-ġharīb

jalā.e merī hī cigarette mirī ayādat par

ye merā dost bhī hai kā.iyāñ ajīb-o-ġharīb

hain mere zaKHm ki ranaiyan ajib-o-gharib

ki us ko chahiye gahraiyan ajib-o-gharib

ye kis ka zor hai mere charagh ki lau par

bana raha hai jo parchhaiyan ajib-o-gharib

hamare KHwab ki galiyon se kaun guzra hai

ki aa rahi hain ye angDaiyan ajib-o-gharib

nazar utarti hai waqt waqt par meri

mili hai maon ko binaiyan ajib-o-gharib

jalae meri hi cigarette meri ayaadat par

ye mera dost bhi hai kaiyan ajib-o-gharib