hain munfarid amal se ye guftar se alag

haiñ munfarid amal se ye guftār se alag

rahbar judā haiñ qaul se kirdār se alag

hoñge na ġhair ke sitam-āzār se alag

jab tak na hoñge ham saf-e-aġhyār se alag

qasr-e-ḳhulūs ho gayā mismār is tarah

baiThe haiñ log sāya-e-dīvār se alag

tahzīb ke zavāl pe hairat na kījiye

ye ahd-e-nau hai sābiqa advār se alag

kar lete haiñ ye jumbish-e-abrū se guftugū

haiñ ahl-e-ishq zahmat-e-iz.hār se alag

tark-e-hayā ne chhīn liyā mah-vashoñ kā husn

be-qadr haiñ ye ho ke hayā-dār se alag

sarmāya-e-hayāt mohabbat vafā ḳhulūs

daulat hai apnī daulat-e-zardār se alag

shān-e-ḳhudī bachā.e hue maslahat se duur

maiñ jī rahā huuñ vaqt kī raftār se alag

'ahsan' ko aarzū nahīñ nām-o-numūd kī

rakhtā hai ḳhud ko kūcha-o-bāzār se alag

hain munfarid amal se ye guftar se alag

rahbar juda hain qaul se kirdar se alag

honge na ghair ke sitam-azar se alag

jab tak na honge hum saf-e-aghyar se alag

qasr-e-KHulus ho gaya mismar is tarah

baiThe hain log saya-e-diwar se alag

tahzib ke zawal pe hairat na kijiye

ye ahd-e-nau hai sabiqa adwar se alag

kar lete hain ye jumbish-e-abru se guftugu

hain ahl-e-ishq zahmat-e-izhaar se alag

tark-e-haya ne chhin liya mah-washon ka husn

be-qadr hain ye ho ke haya-dar se alag

sarmaya-e-hayat mohabbat wafa KHulus

daulat hai apni daulat-e-zardar se alag

shan-e-KHudi bachae hue maslahat se dur

main ji raha hun waqt ki raftar se alag

'ahsan' ko aarzu nahin nam-o-numud ki

rakhta hai KHud ko kucha-o-bazar se alag