hain sare inkishaf apne hain sare mumkinat apne

haiñ saare inkishāf apne haiñ saare mumkināt apne

ham is duniyā kā saarā ilm le jā.eñge saat apne

chamak vaisī na māthe par damak vaisī na chehre par

sitāre kis ke ghar jaane luTā aa.ī hai raat apne

na hogī dilkashī duniyā meñ ik din vo bhī aa.egā

ki saare raaz ugal degī kisī din kā.enāt apne

nahīñ gar dekh saktī maut se laḌte hue mujh ko

to phir ai zindagī le jā tū saare iltifāt apne

khulā hai umr kī shām-e-hazīñ meñ raaz ye 'pāshī'

ki har dam maut ko bhī saath rakhtī hai hayāt apne

hain sare inkishaf apne hain sare mumkinat apne

hum is duniya ka sara ilm le jaenge sat apne

chamak waisi na mathe par damak waisi na chehre par

sitare kis ke ghar jaane luTa aai hai raat apne

na hogi dilkashi duniya mein ek din wo bhi aaega

ki sare raaz ugal degi kisi din kaenat apne

nahin gar dekh sakti maut se laDte hue mujh ko

to phir ai zindagi le ja tu sare iltifat apne

khula hai umr ki sham-e-hazin mein raaz ye 'pashi'

ki har dam maut ko bhi sath rakhti hai hayat apne