hain sat zamin ke tabaq aur sat hain aflak

haiñ saat zamīñ ke tabaq aur saat haiñ aflāk

is raaz ke mahram haiñ magar sāhib-e-idrāk

bū zauq basar lams sam.a ḳhāsa-e-unsur

unsur ḳhalī baad ātish-o-āb-o-kurra-e-ḳhāk

īzād hue chaar tabaq tab hue chaudah

sūrat-garī-o-hāfiza-o-dānish-o-idrāk

kahte haiñ jise arsh vo hai jalva-e-pindār

gardish meñ haiñ jis se tabqāt-e-hama-aflāk

hai pās-e-adab māne-e-'sāhir' pai-e-iz.hār

hai matl.a-e-ḳhurshīd vagarna sar-e-laulāk

hain sat zamin ke tabaq aur sat hain aflak

is raaz ke mahram hain magar sahib-e-idrak

bu zauq basar lams sama KHasa-e-unsur

unsur KHali baad aatish-o-ab-o-kurra-e-KHak

izad hue chaar tabaq tab hue chaudah

surat-gari-o-hafiza-o-danish-o-idrak

kahte hain jise arsh wo hai jalwa-e-pindar

gardish mein hain jis se tabqat-e-hama-aflak

hai pas-e-adab mane-e-'sahir' pai-e-izhaar

hai matla-e-KHurshid wagarna sar-e-laulak