hain ye sare jite-ji ke waste

haiñ ye saare jīte-jī ke vāste

kaun martā hai kisī ke vāste

aadmī sahtā hai kyā kyā zillateñ

nafs-e-mardūd-e-shaqī ke vāste

ham bhī jā.eñge sulaimāñ tak kabhī

arz karne ik parī ke vāste

dar-ba-dar kūchoñ meñ ham bhī phir chuke

ek husn-e-ḳhān.gī ke vāste

kisht-zār-e-zāfrāñ se kam nahīñ

rañg-e-zard apnā hañsī ke vāste

kyuuñ diye haiñ tū ne qassam-e-azal

rañj lākhoñ ek jī ke vāste

do zakāt-e-husn kuchh darvesh ko

haiñ baḌe rutbe saḳhī ke vāste

ik se ik haiñ ek se le laakh tak

saf-shikan mard-e-jarī ke vāste

ġham ne is darja kiyā dil meñ hujūm

jā nahīñ hai ḳhurmī ke vāste

aur kyā ho yaar kī āñkhoñ se kaam

ḳhulq haiñ jādūgarī ke vāste

yaad rakhnā shart aur mashrūt hai

ādamiyat aadmī ke vāste

rañj-o-andoh-o-malāl-o-dard-o-ġham

sadme haiñ ye aadmī ke vāste

sabza-e-madfan ugā thā kyuuñ falak

āhūoñ kī kyā charī ke vāste

laḌ ga.e vo ik zarā sī baat meñ

pahroñ rūThe ik ghaḌī ke vāste

jī na ghabrā.e tirā be-mashġhale

ishq kar le dil-lagī ke vāste

kyā mujhe paidā kiyā hai ai ḳhudā

in butoñ kī bandagī ke vāste

be-kasī mere liye paidā huī

maiñ banā huuñ be-kasī ke vāste

bolā murġh-e-nāma-bar ko kar ke zabah

ye sazā hai elchī ke vāste

dhugdugī meñ jaan aTkī hai mirī

haa.e kis champā-kalī ke vāste

bāryāb-e-ḳhalvat-e-mahbūb hai

kyā sharaf hai ārasī ke vāste

marqad-e-tīra meñ kaafī hai mujhe

dāġh-e-saudā raushnī ke vāste

kījiye har dam abas tan-parvarī

ai ajal kis zindagī ke vāste

ḳhāma-e-qudrat ne khīñchīñ vo bhaveñ

rāstī ye hai kajī ke vāste

hashr ke din 'rind' ko baḳhshā.īyo

yā-alī rūh-e-nabī ke vāste

hain ye sare jite-ji ke waste

kaun marta hai kisi ke waste

aadmi sahta hai kya kya zillaten

nafs-e-mardud-e-shaqi ke waste

hum bhi jaenge sulaiman tak kabhi

arz karne ek pari ke waste

dar-ba-dar kuchon mein hum bhi phir chuke

ek husn-e-KHangi ke waste

kisht-zar-e-zafran se kam nahin

rang-e-zard apna hansi ke waste

kyun diye hain tu ne qassam-e-azal

ranj lakhon ek ji ke waste

do zakat-e-husn kuchh darwesh ko

hain baDe rutbe saKHi ke waste

ek se ek hain ek se le lakh tak

saf-shikan mard-e-jari ke waste

gham ne is darja kiya dil mein hujum

ja nahin hai KHurmi ke waste

aur kya ho yar ki aankhon se kaam

KHulq hain jadugari ke waste

yaad rakhna shart aur mashrut hai

aadamiyat aadmi ke waste

ranj-o-andoh-o-malal-o-dard-o-gham

sadme hain ye aadmi ke waste

sabza-e-madfan uga tha kyun falak

aahuon ki kya chari ke waste

laD gae wo ek zara si baat mein

pahron ruThe ek ghaDi ke waste

ji na ghabrae tera be-mashghale

ishq kar le dil-lagi ke waste

kya mujhe paida kiya hai ai KHuda

in buton ki bandagi ke waste

be-kasi mere liye paida hui

main bana hun be-kasi ke waste

bola murgh-e-nama-bar ko kar ke zabah

ye saza hai elchi ke waste

dhugdugi mein jaan aTki hai meri

hae kis champa-kali ke waste

baryab-e-KHalwat-e-mahbub hai

kya sharaf hai aarasi ke waste

marqad-e-tira mein kafi hai mujhe

dagh-e-sauda raushni ke waste

kijiye har dam abas tan-parwari

ai ajal kis zindagi ke waste

KHama-e-qudrat ne khinchin wo bhawen

rasti ye hai kaji ke waste

hashr ke din 'rind' ko baKHshaiyo

ya-ali ruh-e-nabi ke waste