hairat-e-paiham hue KHwab se mehman tere

hairat-e-paiham hue ḳhvāb se mehmāñ tire

raat charāġhoñ meñ kyuuñ bujh ga.e imkāñ tire

ek qadam laġhzisheñ raah meñ aa kar milīñ

ruuTh ga.e tujh se phir dasht-o-bayābāñ tire

ishq ke andhe ḳhudā husn kā rasta dikhā

dar pe tire aa ga.e be-sar-o-sāmāñ tire

nashsha thā kaisā ajab ḳhvāb kahānī meñ jab

aañkh thī raushan mirī naqsh the uryāñ tire

ik abadī hijr kī fasl harī ho ga.ī

bhuul ga.e vaqt ko va.ada-o-paimāñ tire

shauq-e-bahār-e-ḳhayāl chuum ke chal Daal Daal

phuul pareshāñ tire baaġh haiñ vīrāñ tire

hairat-e-paiham hue KHwab se mehman tere

raat charaghon mein kyun bujh gae imkan tere

ek qadam laghzishen rah mein aa kar milin

ruTh gae tujh se phir dasht-o-bayaban tere

ishq ke andhe KHuda husn ka rasta dikha

dar pe tere aa gae be-sar-o-saman tere

nashsha tha kaisa ajab KHwab kahani mein jab

aankh thi raushan meri naqsh the uryan tere

ek abadi hijr ki fasl hari ho gai

bhul gae waqt ko wada-o-paiman tere

shauq-e-bahaar-e-KHayal chum ke chal Dal Dal

phul pareshan tere bagh hain viran tere