haiwan ki manzil mein bashar hai ki nahin hai

Saba Naqvi

haiwan ki manzil mein bashar hai ki nahin hai

Saba Naqvi

MORE BYSaba Naqvi

    haivān manzil meñ bashar hai ki nahīñ hai

    insān ko insān Dar hai ki nahīñ hai

    me.ār-e-tajallī se to vāqif haiñ nigāheñ

    jalvoñ ko bhī andāz-e-nazar hai ki nahīñ hai

    farzāna-e-daurāñ bhī hai is baat pe ḳhāmosh

    dīvāna sar-e-rāhguzar hai ki nahīñ hai

    jis azm se manzil pe pahuñchte haiñ musāfir

    vo azm ba-īñ zauq-e-safar hai ki nahīñ hai

    be-sāḳhta manzil taraf bhāgne vaalo

    raftār-e-zamāna ḳhabar hai ki nahīñ hai

    rañgīnī-e-āġhāz-e-bahārāñ ke asīro

    anjām-e-bahārāñ pe nazar hai ki nahīñ hai

    nā-qadrī-e-afkār ke is daur-e-falak meñ

    maa.il ba-qalam dast-e-hunar hai ki nahīñ hai

    arbāb-e-mohabbat pe jo Dhaa.ī hai qayāmat

    us shām-e-shab-e-ġham sahar hai ki nahīñ hai

    jis dar se nasīm-e-saharī ghar meñ ho dāḳhil

    kāshāna-e-imkāñ meñ vo dar hai ki nahīñ hai

    bātil galā kaaT de jo haq madad se

    ḳhūn-e-rag-e-jāñ meñ vo asar hai ki nahīñ hai

    jis daaġh tārīf hai dāġh-e-ġham-e-jānāñ

    vo daaġh ba-me.ār-e-jigar hai ki nahīñ hai

    vo zaḳhm-e-tamannā jo muqaddar hai 'sabā'

    us zaḳhm pe hikmat nazar hai ki nahīñ hai

    haiwan ki manzil mein bashar hai ki nahin hai

    insan ko insan ka Dar hai ki nahin hai

    mear-e-tajalli se to waqif hain nigahen

    jalwon ko bhi andaz-e-nazar hai ki nahin hai

    farzana-e-dauran bhi hai is baat pe KHamosh

    diwana sar-e-rahguzar hai ki nahin hai

    jis azm se manzil pe pahunchte hain musafir

    wo azm ba-in zauq-e-safar hai ki nahin hai

    be-saKHta manzil ki taraf bhagne walo

    raftar-e-zamana ki KHabar hai ki nahin hai

    rangini-e-aghaz-e-bahaaran ke asiro

    anjam-e-bahaaran pe nazar hai ki nahin hai

    na-qadri-e-afkar ke is daur-e-falak mein

    mail ba-qalam dast-e-hunar hai ki nahin hai

    arbab-e-mohabbat pe jo Dhai hai qayamat

    us sham-e-shab-e-gham ki sahar hai ki nahin hai

    jis dar se nasim-e-sahari ghar mein ho daKHil

    kashana-e-imkan mein wo dar hai ki nahin hai

    baatil ka gala kaT de jo haq ki madad se

    KHun-e-rag-e-jaan mein wo asar hai ki nahin hai

    jis dagh ki tarif hai dagh-e-gham-e-jaanan

    wo dagh ba-mear-e-jigar hai ki nahin hai

    wo zaKHm-e-tamanna jo muqaddar hai 'saba' ka

    us zaKHm pe hikmat ki nazar hai ki nahin hai

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY