hum aadam-zad jo hain roz-e-awwal se kami hai ye

ham ādam-zād jo haiñ roz-e-avval se kamī hai ye

ki jo hai maut us ko jānte haiñ zindagī hai ye

jo manzar hai so aa kar muḳhtalif hai sab kī ā.ankhoñ meñ

phir āñkheñ dekhtī haiñ kyā tamāshā dīdanī hai ye

yahāñ dasht-e-talab meñ ek maiñ huuñ aur sivā mere

sarāboñ ko nichoḌe jā rahī ik tishnagī hai ye

añdhere dil ne kī thī aarzū us ke ujāloñ kī

mirī āñkheñ hī chhīne le rahā hai raushnī hai ye

us ik be-mehr se tark-e-ta.alluq par nadāmat kyā

gavārā kar liye kaise sitam sharmindagī hai ye

bahut dekhā hai tum ne husn-e-sannā.ī magar us ko

jo dekho to kahoge vāh-vā barjastagī hai ye

kashish mardum kī ye hai yā numūd-e-najm-e-asvad hai

vafūr-e-nūr hai yā intihā-e-tīrgī hai ye

musāfir dā.ere ke ham gumān-e-istaqāmat meñ

bahut aage nikal aa.e haiñ ya.anī vāpsī hai ye

hum aadam-zad jo hain roz-e-awwal se kami hai ye

ki jo hai maut us ko jaante hain zindagi hai ye

jo manzar hai so aa kar muKHtalif hai sab ki aaankhon mein

phir aankhen dekhti hain kya tamasha didani hai ye

yahan dasht-e-talab mein ek main hun aur siwa mere

sarabon ko nichoDe ja rahi ek tishnagi hai ye

andhere dil ne ki thi aarzu us ke ujalon ki

meri aankhen hi chhine le raha hai raushni hai ye

us ek be-mehr se tark-e-talluq par nadamat kya

gawara kar liye kaise sitam sharmindagi hai ye

bahut dekha hai tum ne husn-e-sannai magar us ko

jo dekho to kahoge wah-wa barjastagi hai ye

kashish mardum ki ye hai ya numud-e-najm-e-aswad hai

wafur-e-nur hai ya intiha-e-tirgi hai ye

musafir daere ke hum guman-e-istaqamat mein

bahut aage nikal aae hain yani wapsi hai ye