hum aahuwan-e-shab ka bharam kholte rahe

Sirajuddin Zafar

hum aahuwan-e-shab ka bharam kholte rahe

Sirajuddin Zafar

MORE BYSirajuddin Zafar

    ham āhuvān-e-shab bharam kholte rahe

    mīzān-e-dilbarī pe unheñ tolte rahe

    aks-e-jamāl-e-yār bhī kyā thā ki der tak

    ā.īne qumriyoñ tarah bolte rahe

    kyā kyā thā hall-e-mas.ala-e-zindagī meñ lutf

    jaise kisī band-e-qabā kholte rahe

    pūchho na kuchh ki ham se ġhazālān-e-bazm-e-shab

    kis shahr-e-dilbarī zabāñ bolte rahe

    kal shab thā zikr-e-hūr bhī zikr-e-butāñ ke saath

    zohd-o-safā idhar se udhar Dolte rahe

    apnā bhī vazn kar na sake log aur ham

    rūh-e-varā-e-rūh ko bhī tolte rahe

    sarmāya-e-adab thī hamārī ġhazal 'zafar'

    ash.ār-e-naġhz the ki guhar rolte rahe

    hum aahuwan-e-shab ka bharam kholte rahe

    mizan-e-dilbari pe unhen tolte rahe

    aks-e-jamal-e-yar bhi kya tha ki der tak

    aaine qumriyon ki tarah bolte rahe

    kya kya tha hall-e-masala-e-zindagi mein lutf

    jaise kisi ka band-e-qaba kholte rahe

    puchho na kuchh ki hum se ghazalan-e-bazm-e-shab

    kis shahr-e-dilbari ki zaban bolte rahe

    kal shab tha zikr-e-hur bhi zikr-e-butan ke sath

    zohd-o-safa idhar se udhar Dolte rahe

    apna bhi wazn kar na sake log aur hum

    ruh-e-wara-e-ruh ko bhi tolte rahe

    sarmaya-e-adab thi hamari ghazal 'zafar'

    ashaar-e-naghz the ki guhar rolte rahe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY