hum aaj KHud ko tumhaara ghulam karte hain

ham aaj ḳhud ko tumhārā ġhulām karte haiñ

har ek saañs tumhāre hī naam karte haiñ

sikhā ga.ī haiñ adab Dāliyāñ shajar kī hameñ

lo ham jabīñ ko jhukā kar salām karte haiñ

jinheñ hai fikr yahāñ pe ġharīb logoñ kī

vo hī ġharīboñ kā jiinā harām karte haiñ

sarā.e meñ na rukeñge na kisī bastī meñ

ham ishq vaale haiñ dil meñ qiyām karte haiñ

qafas kī qaid se apnī rihā.ī kī har dam

guzārisheñ ye parinde tamām karte haiñ

unhīñ ne jiitī haiñ baazī baḌī baḌī 'sāriq'

vahī jo kachhve ke jaise ḳhirām karte haiñ

hum aaj KHud ko tumhaara ghulam karte hain

har ek sans tumhaare hi nam karte hain

sikha gai hain adab Daliyan shajar ki hamein

lo hum jabin ko jhuka kar salam karte hain

jinhen hai fikr yahan pe gharib logon ki

wo hi gharibon ka jina haram karte hain

sarae mein na rukenge na kisi basti mein

hum ishq wale hain dil mein qiyam karte hain

qafas ki qaid se apni rihai ki har dam

guzarishen ye parinde tamam karte hain

unhin ne jiti hain bazi baDi baDi 'sariq'

wahi jo kachhwe ke jaise KHiram karte hain