hum aashna-e-gham rahe firaq se visal tak

ham āshnā-e-ġham rahe firāq se visāl tak

dil-o-nazar baham rahe firāq se visāl tak

ham aur dard ishq kī latāfatoñ se āshnā

sharīk-e-chashm-e-nam rahe firāq se visāl tak

hamārī zindagī rahī misāl-e-mauja-e-sabā

ham itne mohtaram rahe firāq se visāl tak

quyūd-e-ijtināb meñ hudūd-e-ehtisāb meñ

na tum rahe na ham rahe firāq se visāl tak

jahān-e-ishq kī fazā havā charāġh aa.ina

hamāre ham-qadam rahe firāq se visāl tak

safar hamārī zaat kā rahīn-e-justujū rahā

ham apne ghar meñ kam rahe firāq se visāl tak

havā-e-shahr-e-ārzū harīf-e-ishq thī magar

charāġh tāza-dam rahe firāq se visāl tak

hum aashna-e-gham rahe firaq se visal tak

dil-o-nazar baham rahe firaq se visal tak

hum aur dard ishq ki latafaton se aashna

sharik-e-chashm-e-nam rahe firaq se visal tak

hamari zindagi rahi misal-e-mauja-e-saba

hum itne mohtaram rahe firaq se visal tak

quyud-e-ijtinab mein hudud-e-ehtisab mein

na tum rahe na hum rahe firaq se visal tak

jahan-e-ishq ki faza hawa charagh aaina

hamare ham-qadam rahe firaq se visal tak

safar hamari zat ka rahin-e-justuju raha

hum apne ghar mein kam rahe firaq se visal tak

hawa-e-shahr-e-arzu harif-e-ishq thi magar

charagh taza-dam rahe firaq se visal tak