hum aayat-e-qurani us waqt hi paDhte hain

ham āyat-e-qur.ānī us vaqt hī paḌhte haiñ

ho jaan hathelī par tūfāñ se guzarte haiñ

kab tāb-e-nazāra hai bas diid kī hasrat hai

mil jaao kisī din tum din raat taḌapte haiñ

rahtā hai mohabbat ko har vaqt hī dhaḌkā sā

mausam kī tarah kahte haiñ dost badalte haiñ

ye raat kī raanī to ab merī sahelī hai

ham hañste haiñ donoñ hī donoñ hī mahakte haiñ

dete haiñ mujhe har din tārīḳh vo aane kī

va.adoñ se mukarte haiñ kab ishq vo karte haiñ

sochā hai tumheñ itnā par yaad nahīñ kitnā

shab yuuñ hī guzartī hai ham aaheñ hī bharte haiñ

in reshmī yādoñ ne uljhā ke rakhā mujh ko

din mere to aksar ab rātoñ se ulajhte haiñ

jin pyaar ke lamhoñ se dil shaad sā rahtā thā

'dilshād' vahī lamhe ranjūr sā karte haiñ

hum aayat-e-qurani us waqt hi paDhte hain

ho jaan hatheli par tufan se guzarte hain

kab tab-e-nazara hai bas did ki hasrat hai

mil jao kisi din tum din raat taDapte hain

rahta hai mohabbat ko har waqt hi dhaDka sa

mausam ki tarah kahte hain dost badalte hain

ye raat ki rani to ab meri saheli hai

hum hanste hain donon hi donon hi mahakte hain

dete hain mujhe har din tariKH wo aane ki

wadon se mukarte hain kab ishq wo karte hain

socha hai tumhein itna par yaad nahin kitna

shab yun hi guzarti hai hum aahen hi bharte hain

in reshmi yaadon ne uljha ke rakha mujh ko

din mere to aksar ab raaton se ulajhte hain

jin pyar ke lamhon se dil shad sa rahta tha

'dilshad' wahi lamhe ranjur sa karte hain