hum ahl-e-dil bhi agar fikr-e-jaan-o-tan karte

ham ahl-e-dil bhī agar fikr-e-jān-o-tan karte

to log husn pe iz.hār-e-husn-e-zan karte

bhaTak rahī haiñ ḳhizāñ diida ḳhār-o-ḳhas kī tarah

vo kam nazar jo chale the chaman chaman karte

bahār kab thī tirā aa.ina ki dīvāne

qabā-e-gul kī tarah chaak pairahan karte

sañvārtā na koī terī zulf-e-mushkīñ ko

jo ham bhī pairvī-e-āhū-e-ḳhutan karte

hum ahl-e-dil bhi agar fikr-e-jaan-o-tan karte

to log husn pe izhaar-e-husn-e-zan karte

bhaTak rahi hain KHizan dida KHar-o-KHas ki tarah

wo kam nazar jo chale the chaman chaman karte

bahaar kab thi tera aaina ki diwane

qaba-e-gul ki tarah chaak pairahan karte

sanwarta na koi teri zulf-e-mushkin ko

jo hum bhi pairwi-e-ahu-e-KHutan karte