hum ahl-e-fan nahin hain ya ahl-e-suKHan nahin

ham ahl-e-fan nahīñ haiñ yā ahl-e-suḳhan nahīñ

kyā anjuman hamārī koī anjuman nahīñ

ye inqilāb-e-vaqt kī sāzish hai in dinoñ

ham bāġhbāñ bhī ho ke hamārā chaman nahīñ

kab tak bahegā ḳhuuñ yahāñ insāniyat kā dost

ye dushmanān-e-amn kā achchhā chalan nahīñ

ham par uThā.e ungliyāñ duniyā agarche ham

pahne hue to aisā koī pairahan nahīñ

kitnī ajiib baat hai ham ajnabī se haiñ

rah kar vatan meñ phir bhī hamārā vatan nahīñ

ghabrā ke hādsoñ se kahāñ jāoge 'amīn'

vo kaun sī jagah hai ki jo pur-fitan nahīñ

hum ahl-e-fan nahin hain ya ahl-e-suKHan nahin

kya anjuman hamari koi anjuman nahin

ye inqilab-e-waqt ki sazish hai in dinon

hum baghban bhi ho ke hamara chaman nahin

kab tak bahega KHun yahan insaniyat ka dost

ye dushmanan-e-amn ka achchha chalan nahin

hum par uThae ungliyan duniya agarche hum

pahne hue to aisa koi pairahan nahin

kitni ajib baat hai hum ajnabi se hain

rah kar watan mein phir bhi hamara watan nahin

ghabra ke hadson se kahan jaoge 'amin'

wo kaun si jagah hai ki jo pur-fitan nahin