hum aise kab the ki KHud badaulat yahan bhi karte qadam nawazish

ham aise kab the ki ḳhud badaulat yahāñ bhī karte qadam navāzish

magar ye ik ik qadam par ai jaañ faqat ināyat karam navāzish

kahāñ ye ghar aur kahāñ ye daulat jo aap aate udhar ko ai jaañ

jo aan nikle ho banda-parvar to kiije ab koī dam navāzish

lagā ke Thokar hamāre sar par balā tumhārī kare ta.assuf

ki ham to samjhe haiñ is ko dil se tumhāre sar kī qasam navāzish

javāb māñgā jo nāma-bar se to us ne khā kar qasam kahā yuuñ

zabāñ qalam ho jo jhuuT bole ki vaañ nahīñ yak qalam navāzish

uThāveñ nāzāñ ke ham na kyūñkar 'nazīr' dil se ki jin ke hoveñ

jafā talattuf itaab shafqat ġhazab tavajjoh hatam navāzish

hum aise kab the ki KHud badaulat yahan bhi karte qadam nawazish

magar ye ek ek qadam par ai jaan faqat inayat karam nawazish

kahan ye ghar aur kahan ye daulat jo aap aate udhar ko ai jaan

jo aan nikle ho banda-parwar to kije ab koi dam nawazish

laga ke Thokar hamare sar par bala tumhaari kare tassuf

ki hum to samjhe hain is ko dil se tumhaare sar ki qasam nawazish

jawab manga jo nama-bar se to us ne kha kar qasam kaha yun

zaban qalam ho jo jhuT bole ki wan nahin yak qalam nawazish

uThawen nazan ke hum na kyunkar 'nazir' dil se ki jin ke howen

jafa talattuf itab shafqat ghazab tawajjoh hatam nawazish