hum aise log kahan manzilon ko pate hain

Jahanzeb Sahir

hum aise log kahan manzilon ko pate hain

Jahanzeb Sahir

MORE BYJahanzeb Sahir

    ham aise log kahāñ manziloñ ko paate haiñ

    ham aise log faqat rāste banāte haiñ

    ye tere jism ko chhū kar pata chalā hai mujhe

    ki narm phuul bahut jald suukh jaate haiñ

    ye kaam hijr meñ bid.at shumār hotā hai

    magar ye dekh ki ham phir bhī muskurāte haiñ

    tirā to ḳhair koī tujh se duur na gayā

    tujhe ḳhabar nahīñ saañs kaise aate haiñ

    nazar na ā.eñge tujh ko ġhubār uḌne de

    tire liye jo mujhe raah se haTāte haiñ

    tumhāre ḳhvāb ġhanīmat haiñ bujhtī āñkhoñ ko

    magar ye ḳhvāb hameñ niiñd se jagāte haiñ

    ye kaun baaġh meñ 'sāhir' dikhā.ī dene lagā

    ki phuul peḌ parinde ḳhushī manāte haiñ

    hum aise log kahan manzilon ko pate hain

    hum aise log faqat raste banate hain

    ye tere jism ko chhu kar pata chala hai mujhe

    ki narm phul bahut jald sukh jate hain

    ye kaam hijr mein bidat shumar hota hai

    magar ye dekh ki hum phir bhi muskuraate hain

    tera to KHair koi tujh se dur hi na gaya

    tujhe KHabar hi nahin sans kaise aate hain

    nazar na aaenge tujh ko ghubar uDne de

    tere liye jo mujhe rah se haTate hain

    tumhaare KHwab ghanimat hain bujhti aankhon ko

    magar ye KHwab hamein nind se jagate hain

    ye kaun bagh mein 'sahir' dikhai dene laga

    ki phul peD parinde KHushi manate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY