aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum apni haqiqat kis se kahen hain pyase ki sairab hain hum

Mohammad Ahmad

hum apni haqiqat kis se kahen hain pyase ki sairab hain hum

Mohammad Ahmad

MORE BYMohammad Ahmad

    ham apnī haqīqat kis se kaheñ haiñ pyāse ki sairāb haiñ ham

    ham sahrā haiñ aur jal-thal haiñ haiñ dariyā aur pāyāb haiñ ham

    ab ġham koī na sarshārī bas chalne hai tayyārī

    ab dhuup hai phailī āñgan meñ aur kachchī niiñd ke ḳhvāb haiñ ham

    haañ sham-e-tamannā bujh bhī ga.ī ab dil tiira tārīk bahut

    ab hiddat-e-ġham na josh-e-junūñ ai dasht-e-talab barfāb haiñ ham

    ye tanhā.ī ye ḳhāmoshī taarā bhī nahīñ is shaam koī

    kuchh daaġh sameTe siine meñ tanhā tanhā mahtāb haiñ ham

    ham jis meñ Duub ke ubhre haiñ vo dariyā kaisā dariyā thā

    ye kaisā ufuq hai jis athāh gahrā.ī meñ ġharqāb haiñ ham

    ham misl-e-sharar haiñ jugnū haiñ ham tīra-shab ke aañsū haiñ

    ham najm-e-sahar ham rashk-e-qamar haañ har sūrat shab-tāb haiñ ham

    ik huzn-o-malāl sail-e-balā sab ḳhvāb bahā kar le bhī gayā

    phir phuul khile man-āñgan meñ phir dekh hameñ shādāb haiñ ham

    lākhoñ ham jaise milte haiñ nāyāb nahīñ haiñ ham 'ahmad'

    haañ un ke liye jo dil se mile vo jānte haiñ kamyāb haiñ ham

    hum apni haqiqat kis se kahen hain pyase ki sairab hain hum

    hum sahra hain aur jal-thal hain hain dariya aur payab hain hum

    ab gham koi na sarshaari bas chalne ki hai tayyari

    ab dhup hai phaili aangan mein aur kachchi nind ke KHwab hain hum

    han sham-e-tamanna bujh bhi gai ab dil tera tarik bahut

    ab hiddat-e-gham na josh-e-junun ai dasht-e-talab barfab hain hum

    ye tanhai ye KHamoshi tara bhi nahin is sham koi

    kuchh dagh sameTe sine mein tanha tanha mahtab hain hum

    hum jis mein Dub ke ubhre hain wo dariya kaisa dariya tha

    ye kaisa ufuq hai jis ki athah gahrai mein gharqab hain hum

    hum misl-e-sharar hain jugnu hain hum tira-shab ke aansu hain

    hum najm-e-sahar hum rashk-e-qamar han har surat shab-tab hain hum

    ek huzn-o-malal ka sail-e-bala sab KHwab baha kar le bhi gaya

    phir phul khile man-angan mein phir dekh hamein shadab hain hum

    lakhon hum jaise milte hain nayab nahin hain hum 'ahmad'

    han un ke liye jo dil se mile wo jaante hain kamyab hain hum

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now