hum ashk-e-gham hain agar tham rahe rahe na rahe

Nazeer Akbarabadi

hum ashk-e-gham hain agar tham rahe rahe na rahe

Nazeer Akbarabadi

MORE BYNazeer Akbarabadi

    ham ashk-e-ġham haiñ agar tham rahe rahe na rahe

    mizha pe aan ke Tuk jam rahe rahe na rahe

    raheñ vo shaḳhs jo bazm-e-jahāñ raunaq haiñ

    hamārī kyā hai agar ham rahe rahe na rahe

    mujhe hai naza.a vo aatā hai dekhne ab aah

    ki us ke aane talak dam rahe rahe na rahe

    baqā hamārī jo pūchho to juuñ charāġh-e-mazār

    havā ke biich koī dam rahe rahe na rahe

    milo jo ham se to mil lo ki ham ba-nok-e-giyāh

    misāl-e-qatra-e-shabnam rahe rahe na rahe

    yahī hai azm ki dil bhar ke aaj ro liije

    ki kal ye dīda-e-pur-nam rahe rahe na rahe

    tumhāre ġham meñ ġharaz ham to de chuke haiñ

    balā se tum ko bhī ab ġham rahe rahe na rahe

    yahī samajh lo hameñ tum ki ik musāfir haiñ

    jo chalte chalte kahīñ tham rahe rahe na rahe

    'nazīr' aaj chal kar butoñ se mil liije

    phir ishtiyāq aalam rahe rahe na rahe

    hum ashk-e-gham hain agar tham rahe rahe na rahe

    mizha pe aan ke Tuk jam rahe rahe na rahe

    rahen wo shaKHs jo bazm-e-jahan ki raunaq hain

    hamari kya hai agar hum rahe rahe na rahe

    mujhe hai naza wo aata hai dekhne ab aah

    ki us ke aane talak dam rahe rahe na rahe

    baqa hamari jo puchho to jun charagh-e-mazar

    hawa ke bich koi dam rahe rahe na rahe

    milo jo hum se to mil lo ki hum ba-nok-e-giyah

    misal-e-qatra-e-shabnam rahe rahe na rahe

    yahi hai azm ki dil bhar ke aaj ro lije

    ki kal ye dida-e-pur-nam rahe rahe na rahe

    tumhaare gham mein gharaz hum to de chuke hain ji

    bala se tum ko bhi ab gham rahe rahe na rahe

    yahi samajh lo hamein tum ki ek musafir hain

    jo chalte chalte kahin tham rahe rahe na rahe

    'nazir' aaj hi chal kar buton se mil lije

    phir ishtiyaq ka aalam rahe rahe na rahe

    Videos
    This video is playing from YouTube

    Videos
    This video is playing from YouTube

    Iqbal Bano

    Iqbal Bano

    Tagged Under:

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY