hum bhi kya zindagi guzar gae

ham bhī kyā zindagī guzār ga.e

qarz jaise koī utaar ga.e

jin se phūloñ kī thī mujhe ummīd

vo bhī dāman meñ bhar ke ḳhaar ga.e

be-vajah bhī kisī ke kūche meñ

ham ga.e aur bār-bār ga.e

yaaro ham to tumhārī duniyā meñ

be-sukūñ aa.e be-qarār ga.e

baa'z hamdard talḳh-goī se

dil meñ ḳhanjar sā ik utaar ga.e

lamhe ḳhushiyoñ ke bhī mile lekin

ġham ko kuchh aur bhī nikhār ga.e

ruuTh kar kyā ga.e vo ai 'hātif'

jiite jī jaise mujh ko maar ga.e

hum bhi kya zindagi guzar gae

qarz jaise koi utar gae

jin se phulon ki thi mujhe ummid

wo bhi daman mein bhar ke KHar gae

be-wajah bhi kisi ke kuche mein

hum gae aur bar-bar gae

yaro hum to tumhaari duniya mein

be-sukun aae be-qarar gae

ba'z hamdard talKH-goi se

dil mein KHanjar sa ek utar gae

lamhe KHushiyon ke bhi mile lekin

gham ko kuchh aur bhi nikhaar gae

ruTh kar kya gae wo ai 'hatif'

jite ji jaise mujh ko mar gae