hum bhi raazi nahin the sadma-e-jari ke liye
ham bhī raazī nahīñ the sadma-e-jārī ke liye
aap kā 'ishq bhī thā vaqt-guzārī ke liye
biin ḳhālī hī bajānā to ġhalat hai ki tumheñ
saañp bhī chāhiye hai koī piTārī ke liye
ḳhvāhish-e-vasl ko shunvā.ī hī kaafī hai bahut
aur kyā chāhiye taqdīr kī maarī ke liye
apnī auqāt bahut jāntā pahchāntā hai
nigah-e-lutf hī kaafī hai bhikārī ke liye
ye bhī kyā kam hai ki majma' to lagā rakkhā hai
aur kyā chiiz hai darkār madārī ke liye
ḳhud qatār apnī se bāhar hue jaate haiñ 'zafar'
jo pareshān bahut haiñ mirī baarī ke liye
hum bhi raazi nahin the sadma-e-jari ke liye
aap ka 'ishq bhi tha waqt-guzari ke liye
bin KHali hi bajaana to ghalat hai ki tumhein
sanp bhi chahiye hai koi piTari ke liye
KHwahish-e-wasl ko shunwai hi kafi hai bahut
aur kya chahiye taqdir ki mari ke liye
apni auqat bahut jaanta pahchanta hai
nigah-e-lutf hi kafi hai bhikari ke liye
ye bhi kya kam hai ki majma' to laga rakkha hai
aur kya chiz hai darkar madari ke liye
KHud qatar apni se bahar hue jate hain 'zafar'
jo pareshan bahut hain meri bari ke liye
- Book : Ghazal Ka Shor (Pg. 198)
- Author : Zafar Iqbal
- Publication : Rekhta Publications (2023)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
