hum chal diye to raste hamwar ho gae

ham chal diye to rāste hamvār ho ga.e

aur ruk ga.e to sāya-e-dīvār ho ga.e

ab kyā piyeñ sharāb ki saaqī ba-qadr-e-zarf

tujh se nazar milā ke gunahgār ho ga.e

daur-e-ḳhizāñ meñ jin ko thā dīvāngī kā shauq

fasl-e-bahār aate hī hoshiyār ho ga.e

ahl-e-zamīñ ko dekh ke kuchh sākinān-e-arsh

hairāñ hue to naqsh-ba-dīvār ho ga.e

tā-umr sochte hī rahe ham ki zindagī

hai kyā azaab jis meñ giraftār ho ga.e

āvāz dī thī maut ko ye kaun aa gayā

ham phir se zindagī ke talabgār ho ga.e

'nashtar' ḳhayāl-e-gesū-e-jānāñ liye hue

aa.ī kuchh aisī niiñd ki bedār ho ga.e

hum chal diye to raste hamwar ho gae

aur ruk gae to saya-e-diwar ho gae

ab kya piyen sharab ki saqi ba-qadr-e-zarf

tujh se nazar mila ke gunahgar ho gae

daur-e-KHizan mein jin ko tha diwangi ka shauq

fasl-e-bahaar aate hi hoshiyar ho gae

ahl-e-zamin ko dekh ke kuchh sakinan-e-arsh

hairan hue to naqsh-ba-diwar ho gae

ta-umr sochte hi rahe hum ki zindagi

hai kya azab jis mein giraftar ho gae

aawaz di thi maut ko ye kaun aa gaya

hum phir se zindagi ke talabgar ho gae

'nashtar' KHayal-e-gesu-e-jaanan liye hue

aai kuchh aisi nind ki bedar ho gae