hum hi karte nahin zulfon ko teri haar pasand

ham hī karte nahīñ zulfoñ ko tirī haar pasand

shaiḳh sāhib ko bhī aatā hai ye zunnār pasand

sabza-e-ḳhat rahe us chehra-e-gul-rañg se duur

zaḳhm-e-dil ko nahīñ ye marham-e-zañgār pasand

jā.ūñ ka.abe ko maiñ kis tarah se ai vā.iz-e-shahr

aa gayā mujh ko to ab ḳhāna-e-ḳhummār pasand

go ki sau rañg gulistān meñ dikhlā.e bahār

na kareñ gul ko tire tālib-e-dīdār pasand

jo koī dard se Tuk chāshnī rakhtā hogā

usī ko ā.eñge 'joshish' mire ash.ār pasand

hum hi karte nahin zulfon ko teri haar pasand

shaiKH sahib ko bhi aata hai ye zunnar pasand

sabza-e-KHat rahe us chehra-e-gul-rang se dur

zaKHm-e-dil ko nahin ye marham-e-zangar pasand

jaun kabe ko main kis tarah se ai waiz-e-shahr

aa gaya mujh ko to ab KHana-e-KHummar pasand

go ki sau rang gulistan mein dikhlae bahaar

na karen gul ko tere talib-e-didar pasand

jo koi dard se Tuk chashni rakhta hoga

usi ko aaenge 'joshish' mere ashaar pasand